Մեծ Բրիտանիան աջակցում է վաշինգտոնյան գործընթացին․ Դաութին՝ Փաշինյանին

Կառավարության մամուլի ծառայությունը հաղորդագրություն է տարածել․

«Վարչապետ Նիկոլ Փաշինյանն ընդունել է Միացյալ Թագավորության Եվրոպայի, Հյուսիսային Ամերիկայի և Անդրծովյան տարածքների հարցերով պետնախարար Սթիվեն Դաութիին:

Վարչապետը ողջունել է նրա այցը Հայաստան և գոհունակություն հայտնել Հայաստան-Մեծ Բրիտանիա ռազմավարական երկխոսության հաջող փուլի առիթով: Նիկոլ Փաշինյանը նշել է, որ Սթիվեն Դաութիի այցը տարածաշրջան տեղի է ունենում շատ կարևոր և նույնիսկ պատմական ժամանակահատվածում՝ հաշվի առնելով Վաշինգտոնում ձեռք բերված համաձայնությունները, որոնք Հարավային Կովկասում կայունության և կանխատեսելիության, ավելի լայն տարածաշրջանային համագործակցության և զարգացման հիմք են ստեղծում:

Սթիվեն Դաութին շնորհավորել է վարչապետին Հայաստանի և Ադրբեջանի միջև հարաբերությունների կարգավորման և խաղաղության օրակարգի առաջմղման գործում Վաշինգտոնում ձեռք բերված պատմական արդյունքների առիթով: Նա ընդգծել է Միացյալ Թագավորության աջակցությունն այդ գործընթացին:

Կողմերը վերահաստատել են իրենց պատրաստակամությունը Հայաստան–Մեծ Բրիտանիա հարաբերությունները ռազմավարական գործընկերության մակարդակի բարձրացնելու և համատեղ ջանքերով այդ նպատակին հետևողականորեն հասնելու համար։ Զրուցակիցներն ընդգծել են, որ Հայաստանի և Միացյալ Թագավորության համագործակցության հիմքում դրված են ընդհանուր արժեքները՝ ժողովրդավարություն, իրավունքի գերակայություն և մարդու հիմնարար իրավունքների պաշտպանություն։

Հաջորդիվ զրուցակիցները քննարկել են Հայաստան-Միացյալ Թագավորություն համագործակցության հետագա զարգացմանն ու ընդլայնմանը վերաբերող մի շարք հարցեր: Կարևորվել է փոխադարձ հետաքրքրություն ներկայացնող տնտեսական նախագծերի ուղղությամբ ուսումնասիրությունների իրականացումը, ներդրումային համատեղ ծրագրերի իրականացումը, բրիտանական ընկերությունների՝ առավել ակտիվ ներգրավվածությունը Հայաստանում ենթակառուցվածքային և այլ նախագծերում։

Վարչապետ Փաշինյանը կարևորել է Միացյալ Թագավորության ակտիվ մասնակցությունը հաջորդ տարի Հայաստանում անցկացվելիք Եվրոպական քաղաքական համայնքի գագաթնաժողովին և Կենսաբազմազանության մասին կոնվենցիայի կողմերի 17-րդ համաժողովին (COP17):

Մտքեր են փոխանակվել նաև երկուստեք հետաքրքրություն ներկայացնող այլ հարցերի շուրջ»:

Այս թեմայով Ռուսաստանի հետ մեր հարաբերությունները անխուսափելիորեն փոխվելու են․ Փաշինյան Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը Հայկ Սարգսյանի համար Փաշինյանի մոտ բարեխոսել ե՞ն․ ԲԱՄԲԱՍԱՆՔ 2022-ին 5 էր պակաս, որ կորցնեինք Հայաստանի պետականությունն ու ինքնիշխանությունը. Փաշինյան