Ալիևի պահանջը ընդունվել է Հայաստանի կողմից. Ասադովը՝ Ադրբեջանից Նախիջևան անարգել ցամաքային կապի մասին

Վաշինգտոնում Ադրբեջանի, ԱՄՆ-ի և Հայաստանի առաջնորդների մասնակցությամբ եռակողմ գագաթնաժողովից հետո ստորագրված համատեղ հռչակագիրը ցույց է տալիս, որ Ադրբեջանի կողմից տարիներ շարունակ առաջ քաշված և խթանված խաղաղության նախաձեռնությունը լայն միջազգային աջակցություն և պաշտոնական ճանաչում է ստացել։

Այս մասին հայտարարել է վարչապետ Ալի Ասադովը՝ Վաշինգտոն կատարած Ալիևի այցի արդյունքներին նվիրված կառավարության հատուկ նիստում:

«Համատեղ հայտարարությունը ոչ միայն երկու երկրների միջև երկարատև զինված դիմակայությանը վերջ դրող փաստաթուղթ է, այլև ադրբեջանական ժողովրդի պատմական արդարության համար պայքարի արդյունք, մեր պետության քաղաքական և դիվանագիտական ուժի և միջազգային հեղինակության արտահայտություն», - ասել է Ասադովը։

«Համատեղ հռչակագրի ամենակարևոր դրույթներից մեկը վերաբերում է տարածաշրջանում տրանսպորտային և կապի գծերի բացմանը։

Հայրենական պատերազմից հետո նախագահ Իլհամ Ալիևը բազմիցս և վճռականորեն հայտարարել է, որ պետք է ապահովվի Ադրբեջանի հիմնական մասից դեպի Նախիջևանի Ինքնավար Հանրապետություն անարգել ցամաքային անցումը։ Բոլոր դժվարություններին, անհամաձայնություններին և տարբեր դիրքորոշումներին չնայած՝ պետության ղեկավարի այս պահանջը նույնպես ընդունվել է Հայաստանի կողմից», - ընդգծել է նա:

Ասադովը ասել է, որ Վաշինգտոնում ստորագրված փաստաթուղթը հստակորեն ընդգծում է Ադրբեջանի հիմնական մասի և Նախիջևանի Ինքնավար Հանրապետության միջև անարգել և հուսալի հաղորդակցության ապահովման կարևորությունը։

«Այդ նպատակով նախատեսվում է Միացյալ Նահանգների կողմից աջակցվող հատուկ ենթակառուցվածքային նախաձեռնություն՝ «Միջազգային խաղաղության և բարգավաճման Թրամփի երթուղին»:

Սա էական փոփոխություններ կստեղծի ոչ միայն Ադրբեջանի, այլև ամբողջ տարածաշրջանի տնտեսական և աշխարհաքաղաքական քարտեզի վրա», - ասել է Ասադովը:

Այս թեմայով Բաշար ալ-Ասադին թունավորել են Մոսկվայում․ ԶԼՄ-ներ Սիրիայում Ասադին ձերբակալելու օրդեր են տվել Դատարանը վերջակետ դրեց Ասադին կալանավորելու գործին․ France 24 Իրանը Լիբիան կամ Իրաքը չէ, Իրանը պատրաստ է ցանկացած հարվածի․ Խայալ Մուազզինը ԱՄՆ-Իրան հնարավոր բախման մասին Սիրիայի նոր իշխանությունները Ռուսաստանից պահանջել են Ասադին