Զբոսաշրջիկի դեմ Թուրքիայում քրեական գործ են հարուցել դրոշակաձողի վրա պարելու համար

Նևշեհիրում սկանդալ է բորբոքվել այն բանից հետո, երբ սոցցանցերում կադրեր են տարածվել, որոնցում օտարերկրյա զբոսաշրջուհին պարում է Թուրքիայի դրոշով դրոշակաձողի վրա։ Միջադեպը տեղի է ունեցել Ուչհիսար գյուղում և լայն հասարակական հնչեղություն է առաջացրել, հայտնում է Т24-ը։

Նևշեհիրի վիլայեթը հանդես է եկել պաշտոնական հայտարարությամբ՝ տեղեկացնելով, որ տեղի ունեցածի փաստով դատական հետաքննություն է սկսվել։

Հայտարարության մեջ ասվում է, որ տեսանյութի հայտնվելուց անմիջապես հետո ստուգում է իրականացվել և պարզվել է իրավախախտի ինքնությունը, ինչից հետո նրա նկատմամբ պաշտոնական հայց է ներկայացվել։

Հաղորդագրության մեջ ընդգծվում է, որ օտարերկրացին պատասխանատվության է ենթարկվել Թուրքիայի Քրեական օրենսգրքի 300-րդ և 301-րդ հոդվածների շրջանակում, որոնք վերաբերում են պետական խորհրդանիշների և ազգային արժեքների վիրավորմանը։

«Այս խայտառակ միջադեպը գնահատում ենք որպես մեր ժողովրդի ազգային և հոգևոր արժեքների նկատմամբ անհարգալից վերաբերմունքի դրսևորում։ Գործը գտնվում է վիլայեթի հատուկ վերահսկողության ներքո և մանրակրկիտ կհետաքննվի»,- ասվում է իշխանությունների հայտարարության մեջ։

Այս թեմայով «Ժողովուրդ». Փաշինյանը մտադիր է դուրս գալ փողոց՝ քաղաքացիների տրամադրությունները հասկանալու համար «Փաստ». Նույնիսկ ԵԽԽՎ-ում չեն կարողացել մինչև վերջ «աչք փակել» հայաստանյան ընտրակեղծիքների վրա Փնտրվում է Վայքի ՔՊ-ական թեկնածուի դեկանը համ ֆեյք դեկանի հետքերով Ղազախստանն Ուկրաինային կոչ է արել Սև ծովում դադարեցնել գրոհներն իրենց նավերի վրա Մարտի 1-ի գործի քննության կառուցվածքը փոխվել է, առանձնացվել է 5 ուղղություն․ Վարդապետյան