Դանակահարված տղամարդիկ ոստիկաններին հայտնել են, թե չեն հիշում՝ որտեղ է տեղի ունեցել դեպքը

Օգոստոսի 17-ին Երևանում տեղի է ունեցել վիճաբանություն, որը ավարտվել է դանակահարությամբ: Ժամը 20:30-ի սահմաններում ՀՀ ՆԳՆ ոստիկանության համայնքային ոստիկանության գլխավոր վարչության Էրեբունու բաժնում տեղեկություն է ստացվել, որ բուժօգնության դիմել են երկու քաղաքացի՝ դանակահարության հետևանքով:

Ինչպես հայտնում է ֆոտոլրագրող Գագիկ Շամշյանը, հիվանդանոց մեկնել են ոստիկանության Էրեբունու բաժնի ծառայողներ՝ բաժնի պետ Դավիթ Պետրոսյանի և տեղակալ Վլադ Բազունցի գլխավորությամբ: Նրանք պարզել են, որ վիրավորներն են՝

• Երևանի բնակիչ, 21-ամյա Ստեփան Պ., ով ստացել է «որովայնի ձախ կեսի և աջ ուսահոդի կտրած-ծակած վերքեր» և հայտնել է, որ չի հիշում դեպքի վայրն ու հանգամանքները։

• 43-ամյա Աբել Բ., ով ստացել է «որովայնի ձախ կողային և կրծքավանդակի ձախ կողմնային կտրած-ծակած վերքեր»:

Ոստիկանությունը ձեռնարկում է միջոցառումներ՝ պարզելու դեպքի հանգամանքները և հայտնաբերելու հանցագործություն կատարած անձին կամ անձանց:

Դեպքի առթիվ ոստիկանության Էրեբունու բաժնում փաստաթղթեր են կազմվել և փոխանցվել ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժին, որտեղ հարուցվել է քրեական վարույթ:

Այս թեմայով Գերմանիայից ոստիկաններ են ուղարկվում Տուսկի ռեժիմն ուժեղացնելու համար Երևանում դանակահարված 27-ամյա երիտասարդը մահացել է․ 16 տարեկան տղան ձերբակալվել է ՍԱՐՍԱՓ. Ովքե՞ր են դպրոցական քույրերին բռնաբարած տղամարդիկ․ հրապարակվել են նրանց լուսանկարները Վարդան Ղուկասյանն աթեիստ լինելով հանդերձ, ավելի քրիստոնյա գտնվեց, քան բազմաթիվ քրիստոնյաներ. ԴՕԿ կուսակցության շտաբի պետ, հայտնի փաստաբանը հայտարարությամբ է հանդես եկել Ինչպես են նշում մարտի 8-ը տարբեր երկրներում