Մեծ պատիվ է լինել Ձեր ժամանակակիցը. Պրոֆեսոր Չարչյանի շնորհավորական ուղերձը Վեհափառ Հայրապետի տարեդարձին

Վեհափառ Տեր

Սրտանց շնորհավորում եմ Ձերդ Սրբությանը ծննդյան ուրախ առիթով: 
Մեծ պատիվ է լինել Ձեր ժամանակակիցը և ականատեսը լինել Հայոց Հայրապետիդ հայրենանվեր և եկեղեցաշեն գործունեությանը, որի ակնհայտ վկայությունն է նաև Իզմիրլյան բժշկական կենտրոնը:

Աշխարհում առկա արդի մարտահրավերների պայմաններում անգնահատելի է Ձեր նպաստը միջեկեղեցական փոխգործակցության խորացման, սփյուռքահայության առջև ծառացող մարտահրավերներին դիմագրավելու խնդիրներում:

Վստահ եմ, որ ամենազոր Աստծո կամոք այսուհետ ևս կշարունակեք անմնացորդ իրականացնել Ձեր վեհ առաքելությունը` հանուն մեր ժողովրդի բարօրության և համազգային նպատակների իրականացման:

Հայցում եմ Տիրոջ զորակցությունը` մաղթելով քաջառողջ արևշատություն շարունակելու հովվապետի Ձեր առաքելությունը՝ որպես Լուսավորչի Աթոռի արժանընտիր Գահակալ:

Թող Երկնային Տերը Ձեզ պարգևի երկար տարիների քաջառողջ կյանք, անսպառ ուժ, կորով և արևշատություն ` ի փառս Հայ Եկեղեցու և հայ ժողովրդի:

Որդիական Խոնարհությամբ համբուրում եմ Ձերդ Սրբության Աջը

Այս թեմայով Վեհափառ Հայրապետը բարձրաստիճան հոգևորականների հետ այցելել է Եռաբլուր Վիրավոր իմ Հայաստան, դու դեռ ուղղելու ես քո ողնաշարը Մաղթում ենք խաղաղ կյանք և բարգավաճում․ ՀՀ-ում ՌԴ դեսպանությունը շնորհավորել է Հայաստանի ժողովրդին Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Ներկայիս բարդ պայմաններում անհրաժեշտ է մնալ համախմբված հայրենիքի շուրջ․ Վեհափառի շնորհավորական ուղերձը