Ուկրաինային հասցվել է ամենաաղետալի հարվածներից մեկը (Տեսանյութ, Ֆոտո)

Ռուսների այս գիշերվա հարվածները կարելի է համարել Ուկրաինայի համար ամենաաղետալիներից մեկը: Ոչ թե հարվածային միջոցների քանակական առումով, այլ հասցված վնասի:

Նախ, հարվածներ են հասցրել Դնեպրոպետրովսկի հատվածում` Պավլոգրադի գազի պահպանման-փոխանցման համակարգին: Հրդեհի ուժգնության պատճառով ուկրաինական աղբյուրները սկսել են ահազանգել ընդհուպ` քիմիական վտանգի մասին:

Հաջորդ թիրախը ուկրաինական ամենաշահութաբեր` Խարկովի մարզի Շեբելինսկի գազային հանքավայրն էր, որն արտադրում է Ուկրաինայի գազի արդյունաբերության մինչև 50%-ը։ Տեղացիները գրում են կոմպրեսորային կայանի ոչնչացման մասին, որի միջոցով դրանից գազը մտնում է ուկրաինական գազափոխադրման համակարգ։

Վերջնական վնասների մասին դեռ վաղ է խոսել, բայց մասշտաբների մասին է վկայում այն, որ հրդեհների լույսը տեսավելի է եղել հարյուր կիլոմետրից: Իսկ փորձագետները հաստատում են, որ եթե այս երկու կայանները լիովին փակվեն, Ուկրաինան կկորցնի իր սեփական գազի արտադրության մոտավորապես 60-70%-ը (քանի որ Խարկովի մարզի բոլոր խոշոր գազային հանքավայրերը տեխնոլոգիապես միացված խոցված հատվածին):

Այսքանից զատ, հզոր պայթյուններ են արձանագրվել Լվովում, Մուկաչևոյում եւ Արևմտյան Ուկրաինայի այլ հատվածներում: Գործել են նավատորմից արձակված «Կալիբր» հրթիռները, ինչպես նաեւ հիպերձայնային «Կինժալ»-ները, «Ցիրկոն»-ները` համակցված հեռահար անօդաչուների հետ։ Բացի այդ, երկինք բարձրացան Տու-95ՄՍ և Տու-160 ռազմավարական ռմբակոծիչները՝ արձակելով տասնյակ Х-101 հրթիռներ։ Այս հարվածների մասին մանրամասները դեռ սպասվում են:

Այս թեմայով Փնտրվում է Վայքի ՔՊ-ական թեկնածուի դեկանը համ ֆեյք դեկանի հետքերով Ղազախստանն Ուկրաինային կոչ է արել Սև ծովում դադարեցնել գրոհներն իրենց նավերի վրա Ռուսական ուժերը մաքրել են վելիկոբուռլուկյան ճակատի հյուսիսային «կաթսաներից» մեկը (Տեսանյութ, Քարտեզ) Ուկրաինական հեռուստաալիքները լուրջ խնդիրներ ունեն տվյալների կենտրոններին զանգվածային հարվածներից հետո Ֆրանսիան այլևս չի կարող ֆինանսական օգնություն ցուցաբերել Ուկրաինային. Լը Պեն