Տղամարդը հարվածներ է հասցրել կնոջը, սպառնացել «մորթել» խորթ դստերը

Սերգեյ Մ.-ին մեղադրանք է առաջադրվել կնոջը՝ Լուսինե Մ․-ին հարվածներ հասցնելու և ֆիզիկական ցավ պատճառելու համար։

Գործը դատարան է ստացվել ապրիլի 14-ին և մակագրվել դատավոր Սաթենիկ Անդրեասյանին։

Խափանման միջոց է ընտրվել բացակայելու արգելքը։

Նշվում է, որ տղամարդը առանց որևէ պատճառի վիճաբանել է կնոջ հետ, որի ընթացքում նրան մարմնական վնասվածք պատճառելու դիտավորությամբ մեկից ավելի անգամ ձեռքերով և ոտքերով հարվածել է մարմնի տարբեր մասերին՝ պատճառելով ֆիզիկական ցավ․ վիճաբանությանը միջամտել է Սերգեյ Մ․-ի խորթ դուստրը, անչափահաս՝ 2007 թվականին ծնված՝ Զ․ Ղ․-ն։

Տղամարդը մարմնական վնասվածք պատճառելու դիտավորությամբ ձեռքերով հարվածել է նրա դեմքին, այնուհետև, կատարել այլ բռնի գործողություն՝ ձեռքով բռնել է պարանոցից ու սեղմել, որի հետևանքով աղջիկը զգացել է ֆիզիկական ցավ։ Նրա հասցեին հնչեցրել է սպանության սպառնալիքներ, մասնավորապես՝ սպառնալով «մորթել նրան»:

Դատարանը վճռել է Սերգեյ Մ․-ի նկատմամբ վերջնական պատիժ նշանակել ազատության սահմանափակում՝ 2 տարի ժամկետով։

Մեղադրյալին արգելել պատժի կրման ընթացքում առանց վերահսկողություն իրականացնող մարմնի համաձայնության փոխել մշտական բնակության վայրը և ժամը 20:00-ից մինչև 08:00-ն բացակայել մշտական բնակության վայրից:

Դատավճիռը կարող է բողոքարկվել ՀՀ վերաքննիչ քրեական դատարան ստանալու օրվանից հետո՝ մեկամսյա ժամկետում:

Դատական ակտը հրապարակվել է օգոստոսի 5-ին։

Այս թեմայով Ալիևը հայտարարել է, որ հայկական կողմը նախկինում Ադրբեջանին «սպառնացել է» նոր պատերազմով՝ խոստանալով վերցնել նոր տարածքներ Ռուսական ուժերը կրկին ծանր հրթիռային հարված են հասցրել Կիեւին եւ այլ տարածքների (Տեսանյութ) Ռուսական հրթիռները սարսափելի հարված են հասցրել Պրիդնեպրովսկի ՋԷԿ-ին (Տեսանյութ) Նեթանյահուն պահանջում է նոր հարվածներ հասցնել Իրանին, սակայն Թրամփը դեռևս կողմ է բանակցություններին. Axios «Նորատուսցի Ալիկը» սպառնացել է անվադողերի վերանորոգման կետի աշխատակցի ծնոտը պոկել. գործը դատարանում է