Սպասո՛ւմ ենք, Ռուբեն Հակոբյանն իր անդրդվելի ուժեղ էությամբ կհաղթահարի այս անարդար վիճակը. ՀՀ վաստակավոր արտիստ

ՀՀ վաստակավոր արտիստ, երգչուհի ԳԱՅԱՆԵ ՆԵՐՍԻՍՅԱՆՆ «Իրավունք»-ի հետ զրույցում անդրադարձել է տեղեկությանը, որ կալանքի տակ գտնվող ԱԺ նախկին պատգամավոր Ռուբեն Հակոբյանի ինքնազգացողությունն օրերս ՔԿՀ-ում վատացել էր եւ նրան շտապօգնությունով տեղափոխել էին հիվանդանոց:

— Հայաստանում արհավիրք է: Այս չարիքի իշխանությունն՝ ազգադավ պատուհասի գլխավորությամբ, գերազանցեց 1937 թվականի ռեպրեսիաները: Հանիրավի ձերբակալվում են հայ ժողովրդի լավագույն զավակները, ընդ որում՝ բացակայում է մարդկային տարրական խիղճը: Ձերբակալվում են ե՛ւ տարիքավոր, ե՛ւ հիվանդ քաղաքական գործիչներ, ովքեր համարձակվում են գեթ մի խոսք ասել՝ ի պաշտպանություն Հայաստանի:

Գրեթե մեկ ամիս է, որ ձերբակալված է նաեւ հայտնի քաղաքական գործիչ, բացառիկ հայրենասեր, բարձր ինտելեկտի տեր Ռուբեն Հակոբյանն, ով իր ողջ կյանքի ընթացքում կանգնած է եղել հայ ժողովրդի բոլոր ծանր իրավիճակների ժամանակ:

Ցավալիորեն տեղեկացա, որ օրերս Ռուբեն Հակոբյանի առողջական վիճակը կտրուկ վատացել է եւ նրան կարճ ժամանակով՝ շտապօգնությունով տարել են հիվանդանոց, այնուհետեւ արագորեն բերել նորից կալանավայր:

Ես եւ բոլոր նրանք, ովքեր ճանաչում են Ռուբեն Հակոբյանին, համոզված ենք, որ նա իր անդրդվելի ուժեղ էությամբ կհաղթահարի այս անարդար վիճակը՝ մինչեւ արդարության կատարումը: Սպասո՛ւմ ենք, Աստված օգնական:

ՀՐԱՆՏ ՍԱՐԱՖՅԱՆ

Այս թեմայով Ինչո՞ւ է ընդհատվել «Գայանե» բալետի ներկայացումը․ հանդիսատեսը վրդովված է Պետք է Խաչատուր Ալբերտիչի հետ հանդիպեմ․ ինչու են վտարում Մհեր Արմենիային բնակարանից Առնվազն ծիծաղելի է մանկամիտներս մութ սենյակում սեւ կատու փնտրելը. հատուցումը ծանր է լինելու՝ այն սարերի հետեւում չի Նիկոլն ընդդեմ «Իրավունք»-ի Իմ արյան գնով եմ նկարում այս ֆիլմը. մեկնարկել են Նարեկ Ներսիսյանի «Հպում» սիրային դրամայի նկարահանումները