Մասնագետների գնահատմամբ՝ երեխային կարդալ սովորեցնելու ամենաարդյունավետ եղանակը համատեղ ընթերցանությունն է

Չնայած կրթական հավելվածների և ինտերակտիվ խաղերի լայն տարածվածությանը, նախադպրոցական տարիքի երեխաներին կարդալ սովորեցնելը առավել արդյունավետ է, երբ այն հիմնված է իրական կյանքի պարզ գործողությունների վրա։ Այս եզրակացությանն են հանգել Միչիգանի պետական համալսարանի հետազոտողները։ Աշխատանքի արդյունքները հրապարակվել են «Ընթերցանության հետազոտությունների հանդեսում» (JRR)։

Հետազոտության շրջանակում ուսումնասիրվել է ավելի քան հազար երեխա՝ 3-ից 6 տարեկան, որոնց թվում նաև խոսքի և լեզվի խանգարումներ ունեցող շուրջ 200 երեխա։ Վերլուծվել են երեք տեսակի գործունեություններ․

• կենդանի գործունեություն (տառերի գրառում, գրությունների որոնում ցուցանակների վրա, հնչյունների վարժանքներ),

• գրքերի համատեղ ընթերցանություն,

• գրագիտության խաղեր՝ թե՛ թվային, թե՛ սեղանի։

Արդյունքները ցույց են տվել, որ ամենամեծ առաջընթացը ապահովում են հենց կենդանի գործունեությունները։ Երեխաները, որոնք ավելի շատ ժամանակ են տրամադրել խաղերին, հակառակը՝ ցուցաբերել են ավելի ցածր արդյունքներ տառերի իմացության, հնչյունների և հնչյունաբանական իրազեկության թեստերում։ Համատեղ ընթերցանությունը դրական ազդեցություն է ունեցել միայն այն երեխաների վրա, ովքեր խոսքի խանգարումներ չեն ունեցել։

Այս թեմայով Ստիպված ենք պաշտպանել մեր շուկան, առաջարկում ենք Հայաստանին համատեղ աշխատել․ Օվերչուկ Հոգեբանական բարեկեցության ծրագիր ուսուցիչների համար. Լուսանկար Սաստիկ շոգ է լինելու․ եղանակը՝ Հայաստանում Հովիկ Աբրահամյանի որդին, սպանված հովիվը և անհետացած 60 հազար դոլարը․ բացահայտում Al Arabiya. Իրանը, հուսիթները և իրաքյան աշխարհազորը համատեղ հարձակում կգործեն Սաուդյան Արաբիայի վրա