Հայաստանի համար բացվելու են այն ճանապարհները, որոնք անցնում են Ադրբեջանով. ՏԿԵ նախարար

«Հայաստանը ստանում է ապակենտրոն, ապաշրջափակված ճանապարհներ՝ մեր տարածքային ամբողջականության, սուվերենության, ինքնիշխանության պահպանմամբ, որը, կարծում եմ, շատ կարևոր է մեր պետության զարգացման տեսանկյունից»,-այսօր կառավարության նիստից հետո լրագրողների հետ զրույցում ասել է ՏԿԵ նախարար Դավիթ Խուդաթյանը: Թե ինչպիսին կլինի այդ ճանապարհների վերահսկողությունը և անցուդարձը, նախարարը պարզաբանել է, որ այս փուլում անհրաժեշտ ինֆորմացիան արդեն փոխանցվել է. «Առավելագույնը, ինչ կարող եմ ասել այս պահին, առաջիկայում կմեկնարկեն աշխատանքային պրոցեսներ, և երբ անհրաժեշտություն լինի հավելյալ տեղեկություններ տալու, կփոխանցվի»,-ասել է նա:

Նախարարը նաև անդրադարձել է հասարակության մտավախություններին. «Խաղաղության պայմանագրի նախաստորագրումը մեզ մի մեծ քայլով մոտեցնում է խաղաղությանը։ Այն սպասված և կարևոր իրադարձություն է։ Նախկինում մեկնաբանություններ էլի են հնչել խաղաղության պայմանագրի տեքստի վերաբերյալ, երբ չարագուշակ մեկնաբանություններ էին արվում, բայց տեքստի հրապարակումից հետո պարզվեց, որ Հայաստանի համար ոչ մի սարսափելի, ողբերգական և չարագուշակ բան չկար»:

Խոսելով ճանապարհների բացման մեխանիզմների մասին՝ նախարարը նշել է, որ ապաշրջափակումը երկկողմանի պրոցես է. «Հայաստանի համար բացվելու են այն ճանապարհները, որոնք անցնում են Ադրբեջանով, որովհետև ապաշրջափակումը երկկողմանի պրոցես է»։ Նախարարի խոսքով՝ մտավախությունները, որ հնարավոր է՝ վտանգ լինի Հայաստանի համար, բացակայում են, քանի որ սահմանվել է փոխադարձելիության սկզբունք, ինչը երաշխավորում է անվտանգ անցուդարձը:

Այս թեմայով Ռուսաստանը շատ ավելի ազդեցիկ է, քան Ադրբեջանն ու Թուրքիան, հետևաբար Ռուսաստանի հետ ևս պետք է զգույշ լինել Չշփոթել իշխանությունը իրավունքի հետ, օրենքը՝ կամայականության հետ, իսկ լռությունը՝ խաղաղության հետ ՀՀ-ն և Ադրբեջանը կարող են խաղաղության համաձայնագիր ստորագրել մինչև Թրամփի նախագահական ժամկետի ավարտը․ կոնգրեսական Ուկրաինական բանակցային այս նոր փուլը կհասցնի՞ խաղաղության «Դոնբասը հանձնում են»․ ԱՄՆ-ն Կիևին խաղաղության ավելի վատ պայմաններ է առաջարկել