«Փաշինյանը ներողություն է խնդրել». Սոնա Մնացականյանի հոր համար անհասկանալի է Փաշինյանի՝ ավտոբուսում նստած ուղևորի հետ համեմատությունը

<<Փաշինյանը ներողություն է խնդրել ինձնից, ցավակցել է իմ վիշտը, բայց այն, որ համեմատում է ավտոբուսում նստած ուղևորի հետ, ես բացարձակ չեմ հասկանում այդ մոտեցումը>>։

Սոնա Մնացականյանի վրաերթի գործով հերթական դատական նիստից հետո լրագրողների հետ զրույցում ասաց Սոնա Մնացականյանի հայրը՝ Մնացական Մնացականյանը՝ անդրադառնալով Նիկոլ Փաշինյանի հայտարարությանն այն մասին, որ հղի կնոջը վրաերթի է ենթարկել ոչ թե Նիկոլ Փաշինյանի, այլ վարչապետի շարասյունը։

«Դե ինքը այդպես է մտածում։ Չեմ կարող ասել` ինչու է տենց մտածում: Դա էլ դուք հասկացեք՝ էդ ոնց եղավ, որ այդպես է մտածում»,–ասաց նա։

Նիկոլ Փաշինյանին մեղավոր համարու՞մ է՝ Մնացականյանը պատասխանեց, որ դատարանը պետք է որոշի, թե ով է մեղավոր։

Մնացականյանը պնդեց, որ այստեղ պետական անփութության հարց է.

«Պետք է նաև անցորդների նկատմամբ կարողանան անվտանգություն ապահովել, անցորդները ՀՀ քաղաքացի՞ չեն, որ անվտանգություն ապահովեն: Ի՞նչ է նշանակում անվտանգությունից ելնելով»։ 

Անդրադառնալով այն փաստին, որ Սոնային վրաերթի ենթարկած վարորդը՝ Արամ Նավասարդյանը չի ընդունում իրեն առաջադրված մեղադրանքը՝ Մնացական Մնացականյանն ասաց.

«Ապացուցված է, որ նա գերազանցել է սահմանված արագությունը, այսինքն՝ միջոցներ չի ձեռնարկել վթարը կանխելու համար, միանշանակ մեղավոր է։ Միայն ինքը չի մեղավորը։ Մենք այլ անձանց վերաբերյալ էլ ենք բողոքներ ներկայացրել։ Եթե ճանապարհը ժամանակին փակեին, դեպքը տեղի չէր ունենա։ Ասում են՝ ձայնագրությունները չկան, փչացել են, կարելի՞ է ամեն հարցում այդքան անփույթ գտնվել»։

Հարցին՝ արդյո՞ք տուժող կողմը գոհ է դատական ընթացքից՝ Մնացականյանը պատասխանեց, որ դեռևս գոհ է․ «Մի քանի անգամ տուժողի դատապաշտպանի հետ կապված անհիմն ձևով հետաձգվել են դատական ակտերը, ինձ թվում է՝ անում են, որ ժամանակ շահեն, հինգ տարին լրանա, վաղեմության ժամկետն անցնի»։  

Մնացական Մնացականյանը հաստատեց, որ դատարանում պահանջել է 10 մլն դրամ՝ հուշաքարի և գերեզմանի վերանորոգման աշխատանքների համար:

Այս թեմայով «Լեվ Գրուպը» մտնում է նոր տարի՝ ամուր մնալով օրենքին, արդարությանը և օրինապաշտ քաղաքացու գաղափարին.Բացառիկ զրույց հայտնի փաստաբանի հետ Փոփոխություններ են կատարվել  «Զինվորական ծառայության համար քաղաքացու կամ զինծառայողի պիտանիության աստիճանը որոշող հիվանդությունների ցանկում Թրամփ.Շնորհավոր Սուրբ Ծնունդ բոլորին, այդ թվում՝ արմատական ​​ձախակողմյան տականքներին, որոնք ամեն ինչ անում են մեր երկիրը կործանելու համար BBC-ն անդրադարձել է Փաշինյանի «սրտիկներին».Միջին տարիքի ճաղատ տղամարդը նստած լսում է հայկական շանսոն և ժողովրդական երգեր Աստղագուշակ դեկտեմբերի 25-ի համար