Գիտնականները հուսով են մարդու ԴՆԹ կառուցվածքային բաղադրիչները հավաքել զրոյից

Քեմբրիջի գիտական համայնքի սրտում սկսվել է պատմության մեջ եզակի ու միաժամանակ ամենավիճահարույց նախաձեռնություններից մեկը։ Այս համարձակ և աննախադեպ նախագծի շրջանակում մի խումբ գիտնականներ նպատակ են դրել, կարծես քիմիական լեգոյի վարպետներ լինելով, քայլ առ քայլ, ատոմ առ ատոմ վերականգնել մարդու ԴՆԹ-ի կառուցվածքային բաղադրիչները՝ ամեն ինչ ստեղծելով ի սկզբանե, հենց այն հիմքում ընկած տարրերից։ Այս մասին հաղորդում է BBC-ն։

Երկար տարիներ նմանատիպ հետազոտությունները խստիվ արգելված էին։ Պատճառն այն էր, որ գիտական և էթիկական շրջանակներում իշխում էին խորքային վախեր․ գենոմի փոփոխման ցանկացած փորձ կարող էր ճանապարհ բացել այսպես կոչված «դիզայներական երեխաների» ծննդին՝ նախապես ծրագրված արտաքինով, առողջական ցուցանիշներով կամ ունակություններով։ Մարդկային բնության խորքում անսպասելի ու անդառնալի փոփոխությունների մտավախությունը երկար ժամանակ կասեցնում էր նման նախաձեռնությունները։

Սակայն իրավիճակը փոխվել է։ Բրիտանական Wellcome Trust-ը՝ աշխարհի ամենախոշոր բժշկական բարեգործական հիմնադրամը, վստահել է այս նախագծի հեռանկարներին և առաջին փուլում տրամադրել 10 միլիոն ֆունտ սթեռլինգ (մոտ 13,7 միլիոն դոլար)։ Կազմակերպության ներկայացուցիչները համոզված են՝ հնարավոր շահույթը և բժշկության զարգացման տրված արագացումը զգալիորեն գերազանցում են ռիսկերը։

Գիտնականները նշում են, որ այս աշխատանքը կարող է դառնալ իրական հեղափոխություն՝ արագացնելով այն դեղամիջոցների որոնումները, որոնք կկարողանան հաղթահարել ներկայում անբուժելի համարվող գենետիկական հիվանդությունները։ Խոսքը բուժական մեթոդների մասին է, որոնք ոչ միայն կթեթևացնեն պացիենտների վիճակը, այլև նրանց տարիքի հետ մեկտեղ կպահպանեն առողջությունն ու կենսական ուժերը՝ ապահովելով ավելի երկար, աշխույժ և հիվանդություններից զերծ ծերություն։

Այս թեմայով Խնդրում ենք վարչապետին քայլեր ձեռնարկել քաղաքային բյուջեն հոր «դուքյանի» վերածած համայնքապետից մեզ ազատելու համար. Ահազանգում են վայքեցիները Նախաքննական մարմնին ուղղակի պետք էր փակի տակ պահել. Նոր մանրամասներ նախկին վարչապետի որդու գործով Հայաստանը գնում է դեպի հայ-ռուսական հարաբերությունների փլուզում արդեն կառուցվածքային մակարդակով Հայաստանի շուրջ մեծ խաղը շարունակում է թափ հավաքել ՀՀ ԱՆ Քրեակատարողական ծառայությունը՝ «Արթիկ» ՔԿՀ-ի շուրջ մամուլում տեղ գտած աղմուկի մասին