Եթե Աժ-ն նախաձեռներ Նիկոլ Փաշինյանին անվստահություն հայտնելու գործընթաց, ապա հնարավոր կլիներ կանխել այն, ինչ օրեր առաջ տեղի ունեցավ Վաշինգտոնում․ Էդգար Ղազարյան

Հասարակական-քաղաքական գործիչ Էդգար Ղազարյանը, ով Փաշինյանին անվստահություն հայտնելու գործընթացի նախաձեռնողներից է, ընդգծում է՝ եթե  Ազգային ժողովը ժամանակին նախաձեռներ Նիկոլ Փաշինյանի անվստահություն հայտնելու գործընթաց, ապա հնարավոր կլիներ խուսափել այն աղետներից, որոնք պատուհասեցին մեր երկրին։

«Եթե 2022 թվականի օգոստոսի 23-ից հետո Ազգային ժողովը նախաձեռներ Նիկոլ Փաշինյանին անվստահություն հայտնելու գործընթաց, ապա հնարավոր կլիներ կանխել 2022 թվականի սեպտեմբերի հարձակումը Հայաստանի վրա։

Եթե 2022 թվականի սեպտեմբերի 15-ին, Հայաստանի վրա Ադրբեջանի հարձակումից հետո Ազգային ժողովը նախաձեռներ Նիկոլ Փաշինյանին անվստահություն հայտնելու գործընթաց, ապա հնարավոր կլիներ կանխել հոկտեմբերի 6-ի Պրահայի հայտարարության ստորագրումը, որով Արցախը հանձնվեց Ադրբեջանին։

Եթե 2023 թվականի հունվարին Ազգային ժողովը նախաձեռներ Նիկոլ Փաշինյանին անվստահություն հայտնելու գործընթաց, ապա հնարավոր կլիներ կանխել Արցախի շրջափակումն ու վերջնական կորուստը՝ սեպտեմբերի վերջին։

Եթե 2024 թվականի մայիսին, «Սրբազան պայքարի» ժամանակ, Ազգային ժողովը նախաձեռներ Նիկոլ Փաշինյանին անվստահություն հայտնելու գործընթաց, ապա հնարավոր կլիներ կանխել Տավուշից ռազմավարական դիրքերի հանձնումն Ադրբեջանին, Սահմանային հանձնաժողովների կանոնակարգի ընդունումն ու դրա վավերացման ողջ գործընթացը։

Եթե 2025 թվականի մայիսին, «Արթուն ենք» նախաձեռնության առաջարկություններով Ազգային ժողովը նախաձեռներ Նիկոլ Փաշինյանին անվստահություն հայտնելու գործընթաց, ապա հնարավոր կլիներ կանխել այն, ինչ օրեր առաջ տեղի ունեցավ Վաշինգտոնում։

Հայաստանը խորհրդարանական երկիր է, որտեղ ժողովրդի կողմից ընտրված միայն իշխանության մարմինը Ազգային ժողովն է։ Ազգային ժողովն է հաստատում կառավարության գործունեության ծրագիրը, վերահսկում դրա կատարման ընթացքը և իրավունք ունի անվստահություն հայտնել վարչապետին։

Այսօրվա իրավիճակի գլխավոր պատասխանատուն Ազգային ժողովի բոլոր պատգամավորներն են, որոնց ամբողջական ցանկը հասանելի է www.parliament.am պաշտոնական կայքում»,- սոցցանցի իր էջում գրել է Ղազարյանը։

Այս թեմայով «Ժողովուրդ». ՔՊ-ի ողջ թիմը պայքարում է Էդգար Ղազարյանի դեմ Առաջարկում եմ Վարդան Ղուկասյանին ազատեք տնային կալանքից, թող գա, պատասխանի ձեր հարցերին. Մխիթարյան Կարևոր չի՝ Փաշինյանն ու մյուսները ինչ տեսքտով են երդվելու, մեկ ա՝ երդմնազանց են լինելու. Էդգար Ղազարյան «Չե՞ք ուզում հրաժարական տալ, որ արժանի ԱԺ նախագահ ընտրենք», «Տափակ հումոր էր, չեմ պատրաստվում» Պատկերացրեք՝ Փաշինյանն է ասում. «Երդվում եմ ծառայել Ադրբեջանին, կատարել Ալիևի ասածները»