Հնդկաստանը դադարեցնում է ԱՄՆ-ից զենք գնելու ծրագրերը՝ Թրամփի մաքսատուրքերից հետո․ ԶԼՄ

ԱՄՆ նախագահ Դոնալդ Թրամփի կողմից հնդկական ապրանքների վրա մաքսատուրքերի բարձրացման հետևանքով առաջացած առևտրային լարվածության ֆոնին Հնդկաստանը դադարեցրել է ԱՄՆ-ից նոր զենքեր և ինքնաթիռներ գնելու իր ծրագրերը, հաղորդում է Reuters-ը՝ հղում անելով աղբյուրներին։

Հաղորդագրության համաձայն՝ այս որոշումը վկայում է Թրամփի մաքսատուրքերի և Հնդկաստանի կողմից ռուսական նավթի գնման ընտրողական թիրախավորման վերաբերյալ Նյու Դելիի դժգոհության մասին։ ԶԼՄ-ի հաղորդմամբ՝ Հնդկաստանի պաշտպանության նախարար Ռաջնաթ Սինգհի առաջիկա այցը ԱՄՆ՝ գնումն ավարտելու համար, նույնպես չեղարկվել է։

Աղբյուրները Reuters-ին հայտնել են, որ մաքսատուրքերի շուրջ վեճի պատճառով Հնդկաստանը նաև դադարեցնում է Stryker մարտական մեքենաների, Javelin հրթիռների և Boeing-ի որոշ ինքնաթիռների գնման բանակցությունները։ Ավելի վաղ Հնդկաստանի արտահանման կազմակերպությունների ֆեդերացիայի նախագահ Սուբհաշ Չանդեր Ռալհանին հայտարարել էր, որ Նյու Դելիի նկատմամբ Վաշինգտոնի կողմից լրացուցիչ մաքսատուրքերի սահմանումը լուրջ հարված է Հնդկաստանի արտահանմանը։

Այս թեմայով Հուսիթները պայթեցրել են Սաուդյան Արաբիայից Հնդկաստան նավթ տեղափոխող հնդկական տանկերը Բոլորի բջջային հեռախոսները՝ մեկ շտեմարանում․ ինչ ռիսկեր է պարունակում Կառավարության նախաձեռնությունը Հնդկաստան զորքեր և ռազմական տեխնիկա ուղարկելու մասին Պուտինը օրենք է ստորագրել 2025 թվականի վերջին ՌԴ նախագահ Պուտինը ծրագրում է այցելել Հնդկաստան. Կրեմլ Երկրներ, որտեղ կարող եք մնալ հայկական անձնագրով առանց վիզա.Ցանկն ավելացել է