Ավելի ցավալի է, երբ  ճանապարհի կառուցումը ուղեկցվում է տարածքների հանձմամբ. Արա Վարդանյան

Նիկոլ Փաշինյանն իր գրառումներից մեկով հպարտորեն անդրադարձել է, թե որքան ճանապարհներ են կառուցվել իր իշխանության օրոք։ Այս մասին «Իրավունք»-ը զրուցել է «Հայաստան» համահայկական հիմնադրամի նախկին գործադիր տնօրեն ԱՐԱ ՎԱՐԴԱՆՅԱՆԻ հետ՝ հետաքրքրվելով, թե արդյո՞ք վերջին ժամանակների ճանապարհաշինական ծրագրերն իրականում զարգացման նշան են, եւ դրան զուգահեռ ինչքա՞ն ճանապարհ է հանձնվել:

— Նախ՝ հնարավոր է, որ միայն հիանալու առիթ է ճանապարհ կառուցելը, սակայն հարկ է նաեւ նկատել որոշ կարեւոր հանգամանքներ։ Իհարկե, լավ է, երբ ճանապարհ է կառուցվում, բայց պետք է հասկանալ՝ դա ոչ թե նոր երեւույթ է, այլ շարունակական աշխատանք, որը կատարվել է նաեւ Հայաստանի անկախությունից ի վեր՝ բոլոր կառավարությունների օրոք։ Այսինքն՝ սա մի նոր կամ բացառիկ բան չէ։

Ճանապարհաշինությունը` որպես պետական ծրագիր, միշտ էլ եղել է օրակարգում։ Նախկին կառավարությունների օրոք նույնպես բազմաթիվ ճանապարհներ են կառուցվել, նույնիսկ շատ ավելի բարդ ու երկար ճանապարհներ։

Բացի դրանից, պետք է հիշել մի կարեւոր փաստ. վերջին 7 տարիների ընթացքում, եթե չեմ սխալվում, մոտ 8 միլիարդ դոլարի արտաքին վարկ է վերցվել, որը, փաստորեն, դարձվել է մեր ժողովրդի պարտքը։ Եթե դու 8 միլիարդ դոլարի փոխառությամբ կառուցել ես ճանապարհ, ապա այստեղ հպարտանալու ոչինչ չկա։

Ավելի ցավալի է, երբ տեսնում ենք, որ երբեմն ճանապարհի կառուցումը ուղեկցվում է տարածքների հանձմամբ։ Օրինակ՝ Ջերմուկի ուղղությամբ ճանապարհի կառուցումը ուղեկցվել է հանձնման գործընթացով։ Դա արդեն սրբապղծություն է՝ հաշվի առնելով, որ, ըստ մեծ հաշվարկի, Մեղրու հատվածը, որը հանձնվել է, մոտավորապես միլիարդ դոլարի արժեք ունի՝ որպես ռազմավարական տարածք։ Ինչպե՞ս կարելի է հպարտանալ 200 միլիոն դոլարի ճանապարհով՝ մոռանալով, թե ինչ է կորցվել դրա դիմաց։ Նման ծրագրերը հաճախ ներկայացվում են որպես սոցիալական ուղղվածություն ունեցող քայլեր, բայց պետք է վստահ լինենք, որ դրանք չեն ազդում կոնկրետ նպատակային խմբերի վրա։ Եվ նույնիսկ եթե ազդում են, դա չի արդարացնում այն մնացած կորուստները, որոնք կրում է ամբողջ ազգը։

ԴԻԱՆԱ ՄԱՆՈՒԿՅԱՆ

Այս թեմայով ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Գուցե արժե հարցնեք ինքներդ ձեզ՝ ինչի՞ եք հասցրել այս երկիրը․ ԶԱՐՄԱՆՔ «Հրապարակ»․ Պետական ապարատում բունտ է հասունանում Դուք ո՞վ եք, ի՞նչ իրավունքով եք հայտարարում, որ Արցախն արցախցիների հայրենիքը չէ. Քրիստինե Վարդանյան