«ՈՒՍԻՑ ՎԻՐԱՎՈՐՈՒՄ Է ՍՏԱՑԵԼ, ՍԱԿԱՅՆ ՇԱՐՈՒՆԱԿԵԼ Է ՄԱՐՏԸ, ՀԵՐՈՍԱԲԱՐ ԿՌՎԵԼ ՄԻՆՉԵՎ ՎԵՐՋ». ՔԱՌՕՐՅԱ ՊԱՏԵՐԱԶՄԻ ԱՆՄԱՀ ՀԵՐՈՍ, ՓՈԽԳՆԴԱՊԵՏ ԱԼԵՔՍԱՆ ԱՌԱՔԵԼՅԱՆ

Oգոստոսի 7-ը, 2016 թվականի Ապրիլյան քառօրյա պատերազմի մասնակից, փոխգնդապետ ԱԼԵՔՍԱՆ ԱՌԱՔԵԼՅԱՆԻ /ՄԱՌՈԶ ԱԼԻԿ /ծննդյան օրն է, կդառնար 43 տարեկան։ Նրա հուշարձանին այցելեցին հարազատներ, ընկերներ, համաքաղաքացիներ, ծաղիկներ խոնարհեցին ու խնկարկեցին։

Iravunk.com -ի Շիրակի մարզի թղթակիցը ներկա է գտնվել։ Ալեքսանի բարեկամուհին, ՀԵՐՄԻՆԵՆ, մեզ հետ զրույցում նշեց.

- Ալեքսանը ծնվել է 1982 թվականին, Գյումրիում։ Սովորել է Գյումրիի Գրիգոր Նարեկացու թիվ 9 դպրոցում, ավարտելուց հետո 2000 թվականին ընդունվել է Վազգեն Սարգսյանի անվան ռազմական ինստիտուտ։ 2004֊ին ավարտելով ինստիտուտը ծառայության է անցել Արցախի զորամասում, որպես դասակի հրամանատար։ 2014֊ին ուսումը շարունակեց ռազմական ակադեմիայում, որից հետո տեղափոխվեց Վարդենիսի զինվորական երկրորդ կորպուս, որպես մարտական ծառայության բաժնի պետ։ Հետո, ինքնակամ ծառայության է անցել Արցախի Հարավային Ջաբրայիլի զորամասում, նշանակվել հրամանատարի մարտական գծով առաջին տեղակալ։ 2016֊ի ապրիլի 2֊ին հերոսաբար զոհվել է պետական սահմանի հատվածում գտնվող Լելե ֊Թեփե բարձունքում հայրենիքի սահմանները պաշտպանելու ժամանակ մղվող մարտերում։ Ալիկը ուսից վիրավորում է ստացել, սակայն այդ վիճակում շարունակել է մարտը Մաքսիմ Գրիգորյանի հետ ու շարունակել առաջխաղացումը։ Գրիգորյանի հետ հասել են մինչև Լելե ֊Թեփե բարձունքը, հերոսաբար կռվել մինչև վերջին շունչը։ Ալիկը,ծառայության ընթացքում պարգևատրվել է «Մարտական ծառայության», «Անդրանիկ Օզանյան», «Դրաստամատ Կանայան», «Անբասիր ծառայության 1֊ին աստիճանի», «Բանակի 20 ամյակի» մեդալներով։ Հետմահու պարգևատրվել է «Արիության» և «ՀՀ Մարտական խաչ 1֊ին աստիճանի» մեդալներով։ Ամուսնացած էր, երկու զավակների հայր։ 2016֊ին Ալիկի անունով ծննդավայր Գյումրիում բացվել է պուրակ, հուշաղբյուր, դպրոցում նրա անվամբ կա դասարան։

ՇՆՈՐՀԱՎՈՐ ԵՐԿՆԱՅԻՆ ԾՆՈՒՆԴԴ, ԱՆՄԱՀ ՀԵՐՈՍ ։ՔՈ ՍԽՐԱՆՔՆ ԱՆՄԱՀ Է, ՔՈ ԱՆՈՒՆԸ ՄԵՐ ՍՐՏԵՐՈՒՄ։ ՀԱՎԵՐԺ ՓԱՌՔ ՄԵՐ ԲՈԼՈՐ ԱՆՄԱՀ ՀԵՐՈՍՆԵՐԻՆ...

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան CNN. ԱՄՆ-ն քիչ էր մնացել, որ պատերազմ սկսեր Չինաստանի հետ ՆԱՏՕ-ն պատրաստվում է պատերազմ սկսել Ռուսաստանի հետ 2029թ.-ին. ՌԴ ԱԳՆ Եթե Ռուսաստանի և Եվրոպայի միջև պատերազմ սկսվի, ապա այն կլինի միջուկային. Լավրով ԱՄՆ–ին կհաջողվի՞ իրանում քաղաքացիական պատերազմ հրահրել