Վաշինգտոնի կողմից աջակցվող փաստաթուղթը օրինականացնում է Բաքվի ցեղասպանությունը Հայաստանում․ Ամերիկայի Հայ Դատի հանձնախումբ

Վաշինգտոնի կողմից առաջարկված՝ Երևանի և Բաքվի կողմից ստորագրվելիք փաստաթուղթը օրինականացնում է Ադրբեջանի ցեղասպանական գործողությունները Արցախում, հայտարարել է Ամերիկայի Հայ Դատի հանձնախումբը (ANCA)՝ մեկնաբանելով Հայաստանի վարչապետ Նիկոլ Փաշինյանի, Ադրբեջանի նախագահ Իլհամ Ալիևի և ԱՄՆ նախագահ Դոնալդ Թրամփի միջև սպասվող հանդիպումը։

Կազմակերպության աղբյուրների փոխանցմամբ՝ օգոստոսի 7-8-ի բանակցություններից հետո կարող է հրապարակվել համատեղ հայտարարություն կամ փոխըմբռնման հուշագիր։ ANCA-ն կասկածում է, որ այս փաստաթուղթը չի անդրադառնա հայ ժողովրդի հիմնական առաջնահերթություններին, որոնք են՝ արցախահայերի՝ իրենց տները վերադառնալու իրավունքը, գերիների և պատանդների ազատ արձակումը, քրիստոնեական սրբավայրերի միջազգային պաշտպանությունը, ինչպես նաև ադրբեջանական զորքերի դուրսբերումը Հայաստանի ինքնիշխան տարածքից։

«Եթե Վաշինգտոնը ցանկանում է հանդես գալ որպես խաղաղության միջնորդ Հարավային Կովկասում, ապա պետք է ապահովի, որ խաղաղության գործընթացը լինի իրական՝ հիմնված պատասխանատվության վրա, այլ ոչ թե Հայաստանին ուղղված սպառնալիքների վրա։ Ամերիկահայերը կտրականապես դեմ են ցանկացած համաձայնագրի, որը փոխարինում է արդարադատությունը զիջումներով և վտանգի է ենթարկում հայերի կյանքը»,- ասել է գրասենյակի գործադիր տնօրեն Արամ Համբարյանը։ ՀՅԴ Հայ Դատի կենտրոնական գրասենյակը կոչ է արել առաջիկա հանդիպման մասնակիցներին ձգտել արդարության, պատասխանատվության, բռնի տեղահանված հայ բնակչության վերադարձի, ինչպես նաև Հայաստանի անվտանգության և ինքնիշխանության պահպանման վրա հիմնված սկզբունքային և կայուն խաղաղության։

Օգոստոսի 6-ին ՀՀ կառավարությունից հաստատել էին մամուլում շրջանառվող լուրերը Վաշինգտոնում ՀՀ վարչապետի, Ադրբեջանի նախագահի և ԱՄՆ նախագահի հանդիպման մասին: Նշվում էր, որ օգոստոսի 7-8-ին Փաշինյանը այց կկատարի Ամերիկայի Միացյալ Նահանգներ։ Middle East Eye հրատարակության տեղեկություններով՝ Հայաստանն ու Ադրբեջանը կարող են փոխըմբռնման հուշագիր ստորագրել օգոստոսի 8-ին Սպիտակ տանը՝ ԱՄՆ նախագահի ներկայությամբ։ Ակնկալվում է, որ Երևանն ու Բաքուն պաշտոնապես կհրաժարվեն ԵԱՀԿ Մինսկի խմբին մասնակցելուց։

Այս թեմայով Միացյալ Նահանգները կօգնի Հայաստանին բարեփոխել իր զինված ուժերը Սաուդյան Արաբիան պաշտոնապես խոսեց ԱՄՆ-ի դավաճանության մասին CNN. ԱՄՆ-ն քիչ էր մնացել, որ պատերազմ սկսեր Չինաստանի հետ ԱՄՆ զինված ուժերը ստիպված են լքել նաեւ Իրաքյան Քրդստանը ԱՄՆ-ն քննարկում է ՌԴ-ի հետ լայնածավալ գործարքներ կնքելու հարցը՝ մինչև Ուկրաինայում պատերազմի ավարտը. The New York Times