Ռուսները Թրամփի լուռ համաձայնությամբ մեծ գազային խաղից դուրս մղեցին Ադրբեջանին

Մի շարք լուրջ աղբյուրներ պատահական չեն համարում Օդեսայի մարզում գտնվող ԳԻՍ-1/2 Օրլովկայի վրա Ռուսաստանի զինված ուժերի վերջերս հասցված հարվածը: Հիշեցնենք, սա այն ուղղությունն է, որով ադրբեջանական գազը հասնում էր Ուկրաինա:

Այսպես, շատ ծանրակշիռ են դարձել խոսակցությունները, որ ամերիկացիների եւ ռուսների միջեւ կուլիսային պայմանավորվածություններից մեկն էլ այն է, որ Մոսկվան զերծ կմնա Եվրոպային ուղիղ գծով գազ վաճառելուց, որով խնդիրներ չի ստեղծի Հին աշխարհում ամերիկյան վերահսկողության համար: Այսինքն, ռուսները գազը կվաճառեն ամերիկացիներին, նրանք էլ` Եվրոպային: Ընդ որում, դա վերաբերում է ինչպես ուկրաինական խողովակաշարերին, այնպես էլ` «Հյուսիսային հոսքին»։

Իսկ ահա երվորական դիմակայության բաղկացուցիչներից մեկն էլ համարվում էր ադրբեջանական այլընտրանքը: Խոշոր իմաստով, այս ծրագիրը ենթադրում էր նախ ադրբեջանական, ապա նաեւ Կենտրոնական Ասիայի գազի մատակարարումները` շրջանցելով ռուս-ամերիկյան պայմանավորվածությունները: Եվ ահա, ռուսները ոչնչացրեցին Ուկրաինա ադրբեջանական գազի մուտքի ուղին, որը երկու իմաստ էր պարունակում: Նախ, շատ լուրջ մեսիջ էր Ալիեւին, որ քիթը շատ չխոթի մեծերի հարաբերությունների մեջ: Ինչպես որ մինչ այդ Ալիեւը նաեւ Ուկրաինային մատակարարվող նավթի հարցում կանգնեց ոչ պակաս լուրջ նախազգուշացման առաջ:

Երկրորդը, սա Կիեւի համար նոր նախազգուշացում էր: Այսինքն, ռուսները խոցում են խողովակը, Թրամփն այդ մասին ծպտուն անգամ չի հանում: Կիեւի համար դա նշանակում է, որ Թրամփի անտարբեր հայացքի ներքո ռուսները կխոցեն Ուկրաինա մտնող մյուս խողովակները եւս, ոից հետո հերթը կարող է հասնել էներգահաղորդման մյուս գծերին: Ուրեմն, պետք է ավելի լուրջ մտածել խաղաղության մասին:

Արդյունքում, ըստ աղբյուրի, եթե Ուկրաինայում պատերազմն ավարտվի, ռուսական գազը կհոսի ուկրաինական համակարգով, որը կգնեն ամերիկյան կորպորացիաները և կվաճառեն Եվրոպային։

Tes naeu https://t.me/iravunk/55900 

Այս թեմայով Ռուսները խոցել են Ուկրաինայի Գիտությունների ազգային ակադեմիայի շենքը (Տեսանյութ) Ռուսական ուժերն ավարտում են վելիկոբուռլուկյան ճակատի հյուսիսային մեծ «կաթսայի» մաքրումը (Տեսանյութ, Քարտեզ) Ուկրաինական աղբյուրներ. ռուսները վերադարձել են մշտական հարվածների սխեմային. Կիեւում երկրորդ օրն է, որ հարձակումը շարունակվում է Ռուսները խոցել են Ուկրաինայում ինտերնետ հասանելիություն ապահովող օբյեկտների 25%-ը Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան