Թրամփը Մոդիին մղեց մեկնել Պեկին` Պուտինի եւ Սիի հետ հանդիպելու

Մինչ Թրամփը կտրում սրում է հարաբերությունները Հնդկաստանի հետ, համաշխարհային լրատվամիջոցները հաղորդում են նրա դեմ ուղղված դաշինքների ամրապնդման մասին։

Հաղորդվում է, որ Հնդկաստանի առաջնորդ Նարենդրա Մոդին օգոստոսի վերջին օրերին կմեկնի Պեկին՝ անձամբ հանդիպելու Վլադիմիր Պուտինի և Սի Ցզինպինի հետ Շանհայի համագործակցության կազմակերպության գագաթնաժողովում, որը տեղի կունենա օգոստոսի 31-ից սեպտեմբերի 1-ը։

Հնդկական լրատվամիջոցները, այդ թվում՝ NDTV-ն, հաստատում են. Մոդին վճռականորեն տրամադրված է Չինաստանի հետ հարաբերությունները կարգավորելու համար բոլոր ջանքերը գործադրելու հարցում, նա փորձում է մերձեցնել դիրքորոշումները և գտնել ընդհանուր լեզու։

Այսպիսով, կարծես թե այս անգամ Թրամփին հաջողվեց իրականացնել Նոբելյան մրցանակի արժանի հաշտեցում` Չինաստանին եւ Հնդկաստանին մղեց երկարամյան հակամարտությունից ռեալ ելքեր որոնելուն, որը հասնում է Հնդկաստանի առաջնորդի Պեկին մեկնելու համաձայնության մակարդակի: Հասկանալի է, Թրափի մոտ դա ակամա ստացվեց, որպես «հանճարեղ» կուրսի կողմնակի էֆեկտ, որը հաստատ նրա օգտին չէ: Չնայած ո՞վ իմանա, առավել եւս, որ օրակարգում է նաեւ Թրամփի Պեկին այցի հարցը:

Այս թեմայով Ադրբեջանի իշխանությունները կրակի հետ են խաղում. ԻՊՀԿ-ի ռեսուրս Բիլ Գեյթսն այդպես էլ չի կարողանում մարսել Էպշտեյնի հետ իր խնջույքները Թրամփը կրկնապատկում է Ուկրաինայում պատերազմին վերջ տալու ջանքերը. Ֆինլանդիայի նախագահը Ռուսաստանը կարող է սրել իր հիբրիդային առճակատումը Եվրոպայի հետ Այն ճանապարհը, որն ընտրել է Հայաստանի իշխանությունն ու այդ իշխանությանն ընտրած ժողովուրդը, անհամատեղելի է Արցախ ունենալու հետ. Սամվել Շահրամանյան