Մի անգամ փորձել եմ նրա հետ աշխատել, չի ստացվել. Հարոյանը ավարտում է ելույթները Ազգային հավաքականում

Հայաստանի հավաքականի ավագ Վարազդատ Հարոյանը հայտարարել է ազգային ընտրանու կազմում ելույթներն ավարտելու մասին, գրում է «Ֆասթ Սպորտ»-ի մեկնաբան, ինսայդեր Սուրեն Մելիքսեթյանը:

«Քիչ առաջ զրուցեցի Վարազդատ Հարոյանի հետ: Վատոն որոշեց իմ միջոցով հանդես գալ հայտարարությամբ.

«Ոզում եմ հայտարարել, որ որոշել եմ ավարտել կարիերաս Հայաստանի հավաքականում: 92 խաղ եմ անցկացրել հավաքականի ամենաուրախ և ամենաբարդ ժամանակաշրջաններում: Միշտ պատրաստ կանգնած եմ եղել հավաքականի կողքին: Ինձ թվում է՝ ավելորդ է խոսել նվիրվածությանս և հայրենասիրությանս մասին, քանի, որ դա դուք ինքներդ եք տեսել թե՛ դաշտում, թե՛ դաշտից դուրս: Կարիերայիս ընթացքում հավաքականն ինձ շատ բան է տվել: Ես էլ այդ նույնը 15 տարի տվել եմ հավաքականին:

Ամբողջ սրտով խաղացել եմ իմ ազգի համար: Հիմա ժամանակն է հրաժեշտ տալու: Պատճառն էլ կասեմ, քանի որ բան չունեմ թաքցնելու: Մի անգամ փորձեցի աշխատել մեր նորանշանակ մարզչի հետ, չստացվեց: Երկրորդ անգամ չեմ ուզում, որովհետև չի ստացվելու: Նույնիսկ ցանկություն չկա փորձելու: Շնորհակալություն բոլորին այսքան տարիների վստահության համար: Հաջողություն եմ մաղթում իմ ազգային հավաքականին: Միշտ հոգով և սրտով ձեր կողքին եմ»»:

Այս թեմայով «Ժողովուրդ». Գլխավոր մարզիչ Եղիշե Մելիքյանի մայբախը խոշոր վթարի կենտրոնում. վարույթ կա Ես հավատում եմ պրոֆեսոր Էդիկ Մինասյանի անմեղությանը․ Մելիքյան Ես հավատում եմ պրոֆեսոր Էդիկ Մինասյանի անմեղությանը․ Մելիքյան «Գայլն ու գառը» տրամաբանությամբ ՔՊ-ի հետ հարաբերվելը միշտ հանգեցնում է «գառան խաշլամայի»․ Մելիքյան Եկեղեցամարտության խարան․ Տեր Վահրամ ավագ քահանա Մելիքյան