Նիկոլի օրոք «արդարություն գտած» Բայբուրդյանը հրաժարվե՞լ է ՀՀ քաղաքացիությունից

2018-ի չարաբաստիկ իշխանափոխությունից հետո՝ ամիսներ անց, Նիկոլ Փաշինյանը հայտարարեց, թե հանձնարարական է տվել արտգործնախարարին, որ «արդարությունը վերականգնվի այնտեղ, որտեղ հնարավոր է»: Նա ընդգծել էր, որ այս համատեքստում էլ ժամանակին աշխատանքից ազատված դիվանագետներից Արմեն Բայբուրդյանն արդեն իսկ նշանակվել է Հայաստանի գլխավոր հյուպատոս Լոս Անջելեսում։

Ով էր Արմեն Բայբուրդյանը, հիշեցնենք՝ բացի այն, որ նա Իրանի Իսլամական Հանրապետությունում ՀՀ առաջին արտակարգ և լիազոր դեսպան, դոկտոր, պրոֆեսոր Վահան Բայբուրդյանի որդին է (ի դեպ, ժամանակին ԱԳՆ կուլիսներում շշուկներ էին պտտվում, թե Վահան Բայբուրդյանը քավոր-սանիկական հարաբերություն ուներ Տեր-Պետրոսյանի եղբոր՝ Թելմանի հետ, ինչն էլ եղել է նրա՝ դեսպան նշանակվելու եւ Հոլիվուդ թաղամասում շքեղ առանձնատուն կառուցելու հիմնական պատճառներից), այլ նաեւ հայտնի է նրանով, որ 2008 թվականի փետրվարի 23-ին Հայաստանի արտաքին գործերի նախարարության մի խումբ բարձրաստիճան դիվանագետների հետ հեռացվել էր ԱԳՆ համակարգից, քանի որ իրենց համերաշխությունն էին հայտնել Լեւոն Տեր-Պետրոսյանի գլխավորած շարժմանը, որն ընդամենը մեկ շաբաթ անց հանգեցրեց մարտիմեկյան դեպքերի: 

Այսպիսով՝ Ռոբերտ Քոչարյանի օրոք Հնդկաստանում ՀՀ առաջին արտակարգ եւ լիազոր դեսպան եւ ՀՀ արտաքին գործերի փոխնախարար աշխատած, իսկ Նիկոլ Փաշինյանի օրոք Լոս Անջելեսում ՀՀ գլխավոր հյուպատոս դարձած Արմեն Բայբուրդյանն, իր վերջին պաշտոնը վայելեց չորս տարի: Իսկ թե ինչ տեղի ունեցավ հետո, բավական հուզիչ է: Ըստ օդում կախված, չհաստատված լուրերի, բարեկեցիկ եւ ապահով կյանքի որոնումով վերջինս Միացյալ Նահանգներում քաղաքացիություն է ստացել՝ հրաժարվելով ՀՀ քաղաքացիությունից: Նա նաեւ ներկա է եղել «Երեւանի պետական համալսարանի բարեկամներ» հիմնադրամի Կալիֆորնիայի Գլենդեյլ քաղաքում տեղի ունեցած հոբելյանական միջոցառմանը:

Ի դեպ, սա հատկանշական է նաեւ նրանով, որ Բայբուրդյանների ընտանիքը Նիկոլ Փաշինյանի օրոք, լավ էլ ապահով ու ճոխ էին ապրում: Չէ որ նույն Արմեն Բայբուրդյանի եղբայրը՝ Ռուբեն Բայբուրդյանը շարունակում է լինել «Մետրոնոմ» առեւտրի կենտրոնի տնօրենը: Նա «Գրեյթ Վիկտորիա» ընկերության միջոցով 2010 թվականի հոկտեմբերին ճանաչվել էր հայտարարված մրցույթում հաղթող՝ ստանալով մետրոյի «Երիտասարդական» կայարանին կից գետնանցման տարածքը հանրախանութի նպատակով շահագործելու իրավունք՝ 25 տարի ժամկետով եւ, փաստորեն, դեռ 10 տարի էլ կշահագործի:

ՀՐԱՆՏ ՍԱՐԱՖՅԱՆ

Այս թեմայով Բրյուսել է՛լ կգնանք, Ստամբուլ է՛լ, Մոսկվա է՛լ, ՀՀ արտաքին քաղաքականությունը չի լինի թույլտվությամբ․ Ռուբինյան Նիկոլին ու նրա ոճի պոպուլիստին կիրթ հասարակությունը ձեռնտու չէ. Արմեն Հովասափյան Էդ ձեր ասած սպանությունների ժամանակ Ռուբեն Մխիթարյանը 12 տարեկան երեխա ա էղել, ի՞նչ հարցեր էիք տալիս Բիչախչյանը խոսել է իր շարք վերադառնալու ժամկետների մասին Սևանում ապամոնտաժվել է Ռուբեն Հայրապետյանի առանձնատան՝ ապօրինի կառուցված պարիսպը․ . factor.am