Արհեստական բանականությունը կարող է կանխատեսել ատամի կարիեսի ռիսկը ավելի քան 90% ճշգրտությամբ․ CHM

Հոնկոնգի համալսարանի, Չինաստանի գիտությունների ակադեմիայի և Ցինդաոյի կլինիկաների գիտնականները մշակել են աշխարհում առաջին արհեստական ինտելեկտի (ԱԻ) վրա հիմնված համակարգը, որը կարող է կանխատեսել յուրաքանչյուր ատամի կարիեսի ռիսկը ավելի քան 90% ճշգրտությամբ։ Հետազոտության արդյունքները հրապարակվել են Cell Host & Microbe (CHM) ամսագրում։

Հետազոտողները վերլուծել են 89 նախադպրոցական տարիքի երեխաների ատամնափառի միկրոբիոմը՝ ուսումնասիրելով ավելի քան 2500 ատամ։ Պարզվել է, որ առողջ բերանի խոռոչում առջևի և ետևի ատամները բնակեցված են տարբեր բակտերիաներով։ Սակայն կարիեսի զարգացման դեպքում այս հավասարակշռությունը խախտվում է՝ կտրիչ ատամներին բնորոշ միկրոօրգանիզմները հայտնվում են աղորիքների վրա և սա դառնում է առաջին նախազգուշացնող ազդանշանը։

Այս մշակումն առանձնահատուկ արդիական է Չինաստանի համար, որտեղ հնգամյա երեխաների 70%-ի մոտ հայտնաբերվում է ատամի կարիես։ Ներկայիս կանխարգելիչ միջոցառումները հաշվի չեն առնում, որ տարբեր ատամներ ունեն խոցելիության տարբեր աստիճաններ։ Նոր մոտեցումը թույլ է տալիս պաշտպանել այն հատվածները, որտեղ ռիսկն առանձնապես բարձր է և խուսափել ավելորդ միջամտություններից։

«Մենք նախկինում կարծում էինք, որ ատամների փչացումը անխուսափելի է», - ասել է պրոֆեսոր Շի Հուանգը: «Հիմա մենք կարող ենք կանխել այն, նախքան ատամի վրա ազդելը»:

Մշակողները նախատեսում են հարմարեցնել տեխնոլոգիան լայն կիրառման համար։ Դոկտոր Յանի խոսքերով՝ այն կօգնի կրճատել ատամնաբույժի մոտ այցելությունների քանակը, նվազեցնել երեխաների վախը բուժումից և կանխել բարդությունները, ինչպիսիք են պուլպիտը կամ ատամների կորուստը։

Այս թեմայով ԱՄՆ-ի և Չինաստանի տնտեսական պատերազմը նոր փուլ է մտնում Մարկո Ռուբիոյի այցը Կենտրոնական Ասիա ազդում է Իրանի, Ռուսաստանի և Չինաստանի շահերի վրա Մենք միջուկային զենքի մասին համաձայնագիր կկնքենք Ռուսաստանի և Չինաստանի հետ. Թրամփ Չինաստանի կառավարության ներկայացուցիչներ ներկայացած չինացի գործարարները հուսիթներից պահանջել են հանձնվել Ռուսները խոցել են Ուկրաինայի Գիտությունների ազգային ակադեմիայի շենքը (Տեսանյութ)