Վարչապետի խայտառակ լուսանկարը բացահայտել է «Կանադայի էությունը»

Կանադայի վարչապետ Մարկ Քարնին հայտնվել է սկանդալի կիզակետում, ավելի ճիշտ՝ հետույքային վիճակում: Կանադական Վանկուվեր քաղաքում անցկացվող ամենամյա միջոցառմանը, որի ժամանակ տոնվում է ԼԳԲՏՔ+ համայնքի իրավունքներն ու բազմազանությունը եւ որին հաճախ մասնակցում են նաեւ պետական պաշտոնյաներ՝ ցույց տալով իրենց աջակցությունը համայնքին, այս տարի հատկանշվել է Կանադայի վարչապետի եւ գրեթե մերկ վարդագույն ստրինգով տղամարդու լուսանկարով՝ այն էլ գրկախառնված:

Ոմանք անգամ սկսել էին կասկածի տակ դնել լուսանկարի իսկությունը՝ այն վերագրելով արհեստական բանականության հնարքներին։ Բայց վարկածը շուտով փլուզվեց՝ հեղինակավոր «Reuters»-ի եւ «Associated Press»-ի հրապարակած լրացուցիչ կադրերով, որոնք վավերացնում էին տեսարանը ամբողջ ընթացքով՝ հետույքը ցուցադրող ԼԳԲՏ-ականի հետ պաշտոնյայի գրկախառնությունից առաջ ու հետո։

Ի դեպ, 60-ամյա Լիբերալ կուսակցության առաջնորդը, որը նախկինում ղեկավարել է Անգլիայի բանկը, ոչ միայն ներկա է գտնվել վերոնշյալ խայտառակ միջոցառմանն, այլ նաեւ ամբիոնից հայտարարել է, թե ԼԳԲՏՔ+ միջոցառումը «բազմազանության տոնակատարություն» է եւ «Կանադայի էությունը»։

Այսքանից հետո՝ հարց է ծագում՝ ո՞ւր է գնում Կանադան, երբ երկրի վարչապետը՝ 60-ամյա բանկիրն ու նորաթուխ «բազմազանության միսիոները», այլեւս ոչ թե տնտեսության կամ արտաքին քաղաքականության հարցերով է զբաղվում, այլ հանրահռչակվում է վարդագույն ստրինգով տղամարդու հետ գրկախառնված լուսանկարով: Ի վերջո, դա այլեւս պարզապես լուսանկար չէ, այլ ուղերձ, թե ինչ «արժեքների» վրա է կառուցվում ժամանակակից Կանադայի քաղաքական օրակարգը եւ ինչ է սպասվում գալիք սերնդին այդ երկրում:

ՀՐԱՆՏ ՍԱՐԱՖՅԱՆ

Այս թեմայով Իլհամ Ալիևը չի մասնակցի ԱՊՀ երկրների ղեկավարների ոչ ֆորմալ հանդիպմանը Ինչ են զրուցել ԱԱԾ մեկուսարանում Աղազարյանն ու Սրբազանները. Բացառիկ մանրամասներ ԱՄՆ-ն կ հեռացնի Զելենսկուն, եթե նա խոչընդոտի խաղաղ կարգավորմանը. Ուկրաինայի նախկին վարչապետ Եկեղեցու դեմ կատարվողի հետեւում կանգնած է Բրիտանիան. Հրանտ Բագրատյան ՀԱՊԿ-ից դուրս գալու արհեստածին օրակարգը ոչինչ մեզ չի տալիս. Հարությունյան