Մակարոնեղենը և մրգերը օգնում են պահպանել էներգիան՝ մտավոր աշխատանքի ժամանակ․ Infobae

Գրասենյակային աշխատողների ամենօրյա սննդակարգը պետք է ներառի մրգեր, հավի միս, մակարոնեղեն և լոբազգիներ, Infobae-ին տված հարցազրույցում ասել է սննդաբան Քրիստեն Սմիթը։

Ինչպես նշել է մասնագետը՝ բարդ ածխաջրերը մտավոր աշխատանքի համար հավասարակշռված սննդակարգի կարևոր մաս են կազմում։ Դրանք պարունակվում են ամբողջական հացահատիկից պատրաստված հացի, բրնձի և մակարոնեղենի մեջ։

Բարդ ածխաջրերը շաքարի մոլեկուլների երկար շղթաներ են, որոնց ճեղքման և մարսման համար օրգանիզմից ավելի շատ ժամանակ է պահանջվում։ Դրանք ապահովում են էներգիայի դանդաղ և կայուն մատակարարում։ Պարզ ածխաջրերը, ընդհակառակը, բաղկացած են շաքարի մեկ կամ երկու մոլեկուլից։ Դրանք արագ են մարսվում, ինչը հանգեցնում է գլյուկոզայի մակարդակի «թռիչքների» և քաղցի զգացողության արագ վերադարձին։

«Բացի այդ, ամենօրյա սննդակարգը պետք է ներառի բանջարեղենի մի քանի բաժին, երկու միրգ և առանց ճարպերի սպիտակուց», - հավելել է բժիշկը։

Ըստ փորձագետի՝ սպիտակուցի լավ աղբյուրներ են համարվում հավի միսը, ձուկը և լոբազգիները։ Այս սննդանյութը կարելի է ստանալ նաև կաթնամթերքից՝ նախապատվությունը տալով առանց ներկանյութերի սպիտակ յոգուրտին և ցածր յուղայնությամբ պանրին։

Այս թեմայով ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Ունի Հայաստանը գազի այլընտարանք. Մեկնաբանում է տնտեսագետը ՀՐԱՏԱՊ. Մարդու իրավունքը ժամկետանց փաստաթուղթ չէ, երբ մարդը դադարում է հավատալ արդարադատությանը, վտանգվում է ոչ միայն նրա իրավունքը՝ այլ իրավական պետության հիմքը Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր Զելենսկու ինքնաթիռը Մոլդովայում թռիչքի ժամանակ գրեթե խփվել է անօդաչուի կողմից