Ռուսական ակտիվության մասշտաբները մտահոգիչ ազդանշան են Դոնբասում հարձակման նոր ալիքի մասին. ուկրաինական ռեսուրսներ

Կոնստանտինովկայից արեւմուտք (https://iravunk.com/?p=319741&l=am)` Պոկրովսկ-Միրնոգրադի անգլոմերացիայի արեւելյան թեւում եւս ռուսական ուժերը, որոշակի խմբավորումից հետո, լայնածավալ հարձակում են սկսել Միրնոգրադ-Դոբրոպիլյայի ուղղությամբ (Քարտեզ): Զատիշոկն ամբողջությամբ գրավված է, Բիլիցկոյեն և Ռոդինսկոյեն գրոհի են ենթարկվել: Լուրը հաստատում են նաեւ ուկրաինական աղբյուրները.

 

«Վերջին օրերին իրավիճակը վատթարացել է, ռուսական զորքերը ավելի ակտիվ են դարձել ռազմաճակատի այս հատվածում»: «Ռուսները գրավել են Զատիշոկը և հարձակումներ են իրականացնում երկաթուղու ուղղությամբ: Սուխեցկեի շրջանում մարտերը շարունակվում են, իրավիճակը անկայուն է», - գրում են ուկրաինացի ռազմական վերլուծաբանները:

Նրանք նաեւ մանրամասնում են, որ Ռոդինսկոյեի ծայրամասերը ճնշման տակ են, ռուսական խմբավորումներն արդեն իսկ Ռոդինսկոյեում են:

«Բիլիցկոյե. կան հաղորդագրություններ բնակավայրում մարտերի մասին, Սա սպառնալիք է Դոբրոպիլյայի համար, որն իրականում գտնվում է մոտակայքում»:

«Հաղորդագրությունները հիմնականում ստացվում են տեղական զրույցներից, և չնայած դեռևս լիարժեք ստուգում չկա, ռուսական ակտիվության մասշտաբները մտահոգիչ ազդանշան են Դոնբասում հարձակման նոր ալիքի մասին», - գրում են ուկրաինական ռեսուրսները:

Իրականում ուկրաինական կողմը տիրող իրավիճակն էապես մեղացրել է: