Հնդկական հեռուստատեսությունը ցուցադրաբար ծաղրում է Թրամփին (Տեսանյութ)

Հնդկական հեռուստատեսությունը ցուցադրաբար ծաղրում է Թրամփին` կապված Խաղաղության Նոբելյան մրցանակին նրա հավակնությունների հետ:

«Եթե Դոնալդ Թրամփը նախագահ լիներ 20-րդ դարում, հնարավոր կլիներ խուսափել բազմաթիվ աղետներից՝ Առաջին համաշխարհային պատերազմ, Երկրորդ համաշխարհային պատերազմ, միջուկային սպառազինությունների մրցավազք, Սառը պատերազմ: Թրամփը կկանխեր այս ամենը: Զարմանալի չէ, որ նրա երկրորդ անունն է` «Զինադադար»:

Մենք գիտենք, որ քաղաքական գործիչները հաճախ նարցիսիստ, ամբարտավան և պարծենկոտ են, բայց Թրամփը ավելի հեռու է գնացել՝ նա անամոթաբար հիանում է ինքն իրենով: Ամբողջ մարդկությունը պարտական է նրան, մենք բոլորս պետք է շնորհակալ լինենք նրան:
Հենց նա է, որ բանակցում էր Աստծո հետ ամենօրյա արևածագի և օվկիանոսներով նավարկելու համար: Եթե նա չլիներ, գրավիտացիա գոյություն չէր ունենա...»:

Հնդիկ լրագրողն առաջարկել է, որ Թրամփի խաղաղարարական ձեռքբերումների շարքում գրանցել նաեւ Թոմի և Ջերիի, Բեթմենի և Ջոկերի, Հարրի Փոթերի և Վոլդեմորտի «հաշտեցումը»: «Եթե պատրաստվում եք կեղծ հայտարարություններ անել, ապա գնացեք մինչև վերջ։ Սա Թրամփի առանձնահատկությունն է՝ ստանձնել բոլոր արժանիքների համար վաստակը և, ավելի վատը՝ պահանջել դրա համար համաշխարհային ճանաչում», - ասել է հաղրդավարուհի Շարման։

Իսկ իրականում Թրամփի ձեռքբերումը սա է. «Վեց ամսվա ընթացքում Թրամփը 530 ռումբ է նետել։ Համեմատության համար, նրա նախորդը՝ Բայդենը, իր նախագահության չորս տարիների ընթացքում 555 ռումբ է նետել։ Կարծես թե այնքան էլ խաղաղարարի արարք չէ», - հեգնանքով ասաց նա։

Ամեն դեպքում, ամերիկացիները լավ կանեն, այդ հաղորդումը Թրամփին ցուց չտան: Այլապես իրոք կարող է հավատալ, որ, ասենք, գրավիտացիան բացառապես իրենից է կախված. այլապես մի 1000 տոկոս մաքսատուրք կսահմանի: 

Ավելի ռեալ` սա ամենավատն է, որին կարողացել է հասնել Թրամփը. նրան արդեն սկսում են բացահայտոներ ծաղրել, իսկ սեփական հայրենիքում գնահատում են, որպես հոգեկան հիվանդ: Ու որքա՞ն այսպես կկարողանա շարունակել...

Տես նաեւ https://t.me/iravunk/55756 

Այս թեմայով Ամերիկյան հեռուստաալիքները Թրամփին «զրկեցին» ձայնից (Տեսանյութ) Սաուդյան թագաժառանգը հինգշաբթի օրը երկու անգամ զանգահարել է Թրամփին՝ խնդրելով ԱՄՆ-ին՝ հարվածել հուսիթներին ԱՄՆ-ում կա մեկ հաստատություն, որտեղ անգամ Թրամփին մուտքն է արգելված Թրամփին մնում է երկու ռեալ քայլ. ընդունել պարտությունը կամ միջուկային հարված հասցնել Իրանին Լսելով Թրամփին, մտածում էի, որ մենք հաղթեցինք Իրանին, բայց պարզվեց, որ մեր զինամթերքն է սպառվել. Սքոթ Ռիտտեր (Տեսանյութ)