ՀՀ կառավարությունը՝ Վաշինգտոնում Փաշինյան-Ալիև հնարավոր հանդիպման լուրերի մասին

Հայաստանի վարչապետի աշխատակազմն այս պահին չի կարող ո՛չ հերքել, ո՛չ էլ հաստատել Նիկոլ Փաշինյանի՝ Միացյալ Նահանգներ կատարելիք այցի մասին մամուլում և սոցիալական ցանցերում շրջանառվող տեղեկատվությունը։

«Արմենպրես»-ի հարցմանն ի պատասխան՝ այս մասին հայտնել են Փաշինյանի աշխատակազմի տեղեկատվության և հասարակայնության հետ կապերի վարչությունից։

«Վարչապետ Փաշինյանի ԱՄՆ կատարելիք այցի մասին մամուլում և սոցիալական ցանցերում շրջանառվող տեղեկատվությունը այս պահին չենք կարող ո՛չ հերքել, ո՛չ հաստատել»,-նշել են աշխատակազմից։ 

Նշվում է, որ նման այցերի պարագայում, բնականաբար, լինում է պաշտոնական հաղորդագրություն, և տեղեկատվությունը հաստատված կարելի է համարել պաշտոնական հաղորդագրության պարագայում։ 

«Այս պահին, ինչպես գիտեք, պաշտոնական որևէ հաղորդագրություն չենք հրապարակել և հետևաբար այցի մասին տեղեկատվությունը խնդրում ենք հաստատված համարել միայն պաշտոնական հաղորդագրությունից հետո»,-ասել են Փաշինյանի աշխատակազմից: 

Ավելի վաղ համացանցում տեղեկություններ էին շրջանառվում, որ այս շաբաթվա ընթացքում Նիկոլ Փաշինյանն ու Ադրբեջանի նախագահը կարող են հանդիպում ունենալ Վաշինգտոնում։ Ըստ այս տեղեկությունների՝ երկու երկրների ղեկավարներին ընդունելու է նաև Միացյալ Նահանգների նախագահ Դոնալդ Թրամփը։ 

Այս թեմայով Մի քեֆ, մի ուրախություն․ ԸՆԿԵՐ ՓԱՆՋՈՒՆԻ  Իրականությունից կտրվածները Անկախության օրը՝ ախմախ անակնկալներով ՇՏԱՊ. Հակակոռուպցիոն կոմիտեն մտավ Աբովյանի համայնքապետարան. Բաբայան Էդոյի գործը «բուրդ է» Ձախողվեց մեր պետության զավթման ծրագիրը. Փաշինյանի ելույթը ՄԱԿ-ում