Իսպանացի փորագրիչ և մուլտիմեդիա արվեստագետ Ռաքել Ռոն վարպետության դասեր կանցկացնի Երևանում

«Մշակույթների երկխոսություն» կազմակերպության և Մյունխենի GURBAN կենտրոնի հետ համագրոծակցության արդյունքում, Գեղարվեստական տպագրության Հոբելյանական Հինգերորդ միջազգային բիենալե, Երևան 2025-ի շրջանակներում, «ՀայԱրտ» Կենտրոնը կհյուրընկալի տպագրական արվեստի իսպանացի մասնագետ Ռաքել Ռոյին, ով կվարի վիմագրության երկօրյա բաց դաս։ 

Ռաքել Ռոն իսպանացի փորագրիչ և մուլտիմեդիա արվեստագետ է, ով բնակվում է Մյունխենում։ Նա ավարտել է Բարսելոնայի համալսարանի Գեղարվեստի ֆակուլտետը, ինչպես նաև ուսանել է Մեքսիկայում և Մյունխենի Գեղարվեստի ակադեմիայում։ Ռաքելը STEINDRUCK MÜNCHEN վիմագրության ստուդիայի ստեղծագործական տնօրենն է, որը գտնվում է Մյունխենի Գեղարվեստի տանը։ 

Դասընթացի շրջանակում մասնակիցները հնարավորություն կունենան ստանալու վիմագրության տեսական հիմունքների մասին գիտելիքներ, գեղարվեստական տպագրության գործնական փորձ:

Կիրականացվի նաև բացօթյա գեղարվեստական տպագրության աշխատարան, որը նպատակ ունի լայն հանրությանը ծանոթացնելու վիմագրության և այլ տպագրական տեխնիկաներին։ Վարպետության դասերին կհաջորդի հանրային միջոցառում՝ «Փորագրիր Քո բացիկը» խորագրով, որի շրջանակում կամփոփվեն վարպետաց դասերի արդյունքները:

 Մասնակիցները, հնարավորություն կունենան տպել իրենց բացիկը տանելով այն տուն՝ որպես յուրօրինակ հուշանվեր:

Վարպետության դասերը տեղի կունենան օգոստոսի 6-ին և 7-ին՝ Գեղագիտության ազգային կենտրոնում /հասցե՝Սարյան 31/, իսկ «Փորագրիր Քո բացիկը» հանրային միջոցառումը՝ օգոստոցին 8-ին՝ «ՀայԱրտ» Կենտրոնում:

Այս թեմայով Շրջանակելով ժամանակը, մեր վախերն ու հույսերը․ մեկնարկում է հայ-գերմանական արվեստի փառատոնը Երևան-Լայպցիգ մշակութային տարին կբացվի «Zu Gast in Leipzig: International Print Biennale Yerevan» ցուցահանդեսով Պետք է աջակցել ժամանակակից արվեստին Հայաստանում. Վազօ