ԳՅՈՒՄՐԻՈՒՄ ԿԱՅԱՑԱՎ «ԳԻՆՈՍՅԱՆԱԿԱՆ ՕՐԵՐ, ՀԱՅՈՑ ԼԵՌՆԵՐԻ ՈԳԻՆ» ՓԱՌԱՏՈՆԸ

Հայաստանի մշակութային մայրաքաղաք Գյումրիում օգոստոսի 2-ին ազդարարվեց «Գինոսյանական օրեր, Հայոց լեռների ոգին»խորագիրը կրող փառատոնի մեկնարկը։

Iravunk. com -ի Շիրակի մարզի թղթակիցը ներկա է գտնվել։ Այս փառատոնը անցկացվում է «Ազգային երգ ու պարի ակադեմիա» հիմնադրամի նախաձեռնությամբ և նվիրված է «Կարին» ավանդական երգ ու պարի խմբի հիմնադիր, Հայաստանի մշակույթի վաստակավոր գործիչ, Արցախյան պատերազմի մասնակից ԳԱԳԻԿ ԳԻՆՈՍՅԱՆԻ շնորհիվ հանրայնացված մշակութային ժառանգության պահպանմանն ու տարածմանը։ Փառատոնը կրում է «Հայոց լեռների ոգին» խորագիրը։

Փառատոնի շրջանակներում Գյումրիի կենտրոնական փողոցներում կայացավ ավանդական պարի շքերթը։ Երեկոյան տեղի ունեցավ գալա համերգ «Կարին» ավանդական երգ ու պարի խմբի, «Կարին» նվագախմբի ու «Կարին» ֊ի ճյուղային խմբերի մասնակցությամբ։

«Երեկ, օգոստոսի 3-ը Գագիկ Գինոսյանի ծննդյան օրն էր, կդառնար 59 տարեկան ու մենք որոշեցինք այս փառատոնը նվիրել նրա պայծառ հիշատակին։ Գյումրիի ընտրությունն էլ բոլորովին պատահական չէ, այն իր կոլորիտով շատ է հիշեցնում Գինոսյանի հայրական քաղաքը Ախալցխան։

Բացի այդ, Գյումրին համարվում է Հայաստանի մշակութային մայրաքաղաքը, բայց ցավոք մի քանի քայլ հեռացել է իր ավանդական մշակույթից։ Հենց այդ պատճառով էլ որոշեցինք ավանդական մշակույթը բերել հենց Գյումրի։ Այսօր փառատոնի շրջանակներում անցկացված շքերթին մասնակցեց ավելի քան 120 մարդ, 10 խմբից», ֊իր ելույթում նշեց «Ազգային երգ ու պարի ակադեմիա» հիմնադրամի հոգաբարձուների նախագահ Անի Գինոսյանը։

Գինոսյանական օրեր փառատոնի երկրորդ օրը օգոստոսի 3֊ը նվիրված էր հայ ավանդական պարի գիտական բաղադրիչներին, միջոցառման ժամանակ քննարկվեցին պարագիտության տարբեր թեմաներ, որոնք ներկայացվեցին միմյանց դասախոսությամբ ու պանելային քննարկումների միջոցով։

ՀՈՎՀԱՆՆԵՍ ՍԱՐԳՍՅԱՆ

Այս թեմայով Վարդան Ղուկասյանի շնորհիվ ավագանի դարձան, նոր հասկացա՞ն, որ նա հայհոյում է. Անուշ Գինոսյան 3-րդ ուժը ես եմ, դու ես, բոլորս ենք եւ պետք է բռունցք դառնանք. Անուշ Գինոսյան Երեւանի ավագանու անկախ անդամներ Անուշ Գինոսյանի և Անույշ Խուդավերդյանի լիազորությունները դադարեցվեցին Առաջիկայում շատ մեծ բացահայտումներ են լինելու. Երեւանի ավագանու անդամները չեն լռելու ՇՏԱՊ. Երեւանի ավագանու ընդդիմադիր անդամներին սպառնացել ու գործարք են առաջարկել