Ազդանշաններ առանց հույզերի. ինչպես է «դեպրեսիայի գենով» ուղեղը կորցնում հաղթանակի համը

Նոր նեյրովիզուալիզացիոն հետազոտությունը, որի արդյունքները հրապարակվել են Biological Psychiatry: Cognitive Neuroscience and Neuroimaging (Elsevier) ամսագրում, պարզել է, որ դեպրեսիայի նկատմամբ ավելի բարձր գենետիկական նախատրամադրվածությամբ երիտասարդ չափահասները ցուցաբերում են ուղեղի ակտիվության նվազում՝ ի պատասխան խրախուսանքների և պատիժների։

Ընդ որում, տղամարդիկ և կանայք այս դեպքում գործարկում են ուղեղի տարբեր հատվածներ, ինչը կարող է վկայել դեպրեսիայի սպեցիֆիկ նեյրոկենսաբանական մեխանիզմների մասին։

Հետազոտության առանցքային եզրակացությունը հետևյալն է. ուղեղի ճակատային, գագաթային և ծոծրակային բաժիններում, որոնք ներգրավված են որոշումների կայացման և ուշադրության գործընթացում, ավելի նվազ ակտիվությունը կապված է գենետիկական ռիսկի հետ։ Հատկապես կարևոր է գոտկային գալարի հետին հատվածը (posterior cingulate cortex). այն կտրուկ արձագանքել է պատիժներին, բայց ոչ պարգևներին, ինչը կարող է մատնանշել դրա հատուկ դերը բացասական փորձի ձևավորման մեջ։

Հետազոտությունն անցկացվել է Human Connectome Project նախագծի շրջանակներում՝ 22–35 տարեկան գրեթե 900 առողջ երկվորյակների և քույր/եղբայրների մասնակցությամբ։ Ուղեղի սկանավորման ժամանակ՝ ֆունկցիոնալ մագնիսառեզոնանսային տոմոգրաֆիայի (fMRI) միջոցով, մասնակիցները խաղացել են մոլախաղ՝ դրամական շահումներով և պարտություններով։ Զուգահեռաբար վերլուծվել են նրանց գենետիկական պրոֆիլները։

Չնայած կլինիկական դեպրեսիայի բացակայությանը՝ բարձր գենետիկական խոցելիությամբ մասնակիցներն արդեն իսկ դրսևորել են բնորոշ նեյրոնային շեղումներ, ինչը, ըստ առաջատար հեղինակ, պրոֆեսոր Չիանգ-Շան Լիի (Յեյլի բժշկական դպրոց), կարող է հիմք դառնալ ռիսկի խմբի վաղ հայտնաբերման և անհատականացված կանխարգելման համար։

Տղամարդիկ և կանայք այս դեպքում ցուցադրել են դրական և բացասական խթանների մշակման տարբեր նեյրոնային սխեմաներ։ Սա նոր հեռանկարներ է բացում սեռի՝ որպես դեպրեսիայի զարգացման կարևոր կենսաբանական մոդերատորի ուսումնասիրության մեջ։

Առաջիկայում նման հետազոտությունները կարող են հիմք հանդիսանալ կանխարգելիչ ծրագրերի և նեյրոկենսաբանական մարկերների համար, որոնք կնախազգուշացնեն դեպրեսիայի մասին մինչև դրա կլինիկական դրսևորումը։

Այս թեմայով «Փաստ». Առանց բացատրության «կապարակնքում» են բիզնեսները Թող ՔՈ ճանապարհը միշտ լինի հաղթանակերով լի, իսկ սիրտդ՝ խաղաղ ազնվագույն գերդաստանի արժանի ժառանգ 2027-ի փետրվարից առանց լիցենզիայի կրիպտոծառայություններ մատուցել հնարավոր չի լինի․ ԿԲ ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով «Փաստ». Չեն կարող առանց մարդկանց կյանքը դժոխքի վերածելու