9000-ից ավելի բնակիչներ սպառնում են փակել ճանապարհները, եթե «Վեոլիա Ջուր»-ը չլուծի հարցը

Այսօր՝ օգոստոսի 3-ին, լարված իրավիճակ է ստեղծվել Երևանում: Այս մասին հայտնում է Shamshyan.com-ը։

Նոր Նորք վարչական շրջանի Ջրվեժի Մայակ թաղամասի 100-ավոր բնակիչներ ի նշան բողոքի պատրաստվում են դիմել կտրուկ միջոցների: 

Ֆոտոլրագրող Գագիկ Շամշյանի հետ զրույցում բնակիչներն ասում էին. 

«Մեկ ամիս է՝ տեղներս չենք գտնում: Մեկ ամիս է՝ մոտ 9000-ից ավելի բնակիչների, որոնց մեջ կան նաև տարեցներ, երեխաներ, մի իսկական սթրես ենք ապրում ու դրա հիմնական մեղավորը «Վեոլիա Ջուր» ընկերությունն է: 
 
Էդ ընկերության անունն արդեն լսելիս սրտխառնոց ենք ապրում: Ո՞վ է տեսել 21-րդ դարում նման փնթի, սպառողին արհամարհող կազմակերպություն, ինչպիսին «Վելոիա Ջուր»-ն է, չկա տուն որ ամենաքաղցր խոսքերը չուղղի այդ ընկերությանը: 
 
Նախկինում երբեք նման խնդիր ամբողջ Ջրվեժը իր Բանավանով չի ունեցել, և՛ խմելու ջուրն է ժամանակին մատակարարվել, և՛ որակն է տեղը եղել:  

Դե որակի մասին մոռացել ենք, հիմա էլ մոռացել ենք կանոնավոր ջուր ստանալու մասին: 
 
Ամռան այս տապին, հետաքրքիր է, «Վելոիա Ջուր» ընկերության չինովնիկները որ իրենց կաբինենտներում մեր՝ սպառողներիս հաշվին իրենց թափաններն են լցնում, ինչո՞ւ չեն մտածում, որ 9000-ից ավելի քաղաքացի օրն անջուր լուսացնում ու մթնեցնում է: 

Ի՞նչ անենք, դիմենք ամենածայրահեղ միջոցների, պատրաստ ենք, ահել-ջահել, մեր ու մանուկ էս ամբողջ Ջրվեժի ճանապարհը կաթվածահար կանենք, կփակենք ու չենք բացի այնքան ժամանակ, մինչև «Վեոլիա Ջուրը» մեր խնդիրը չլուծի, իսկ մեր պահանջը արդարացի է, հերիք է, արդեն զզվել ենք «Վելոիա Ջրից», Երևանի քաղաքապետարանի թեժ գծից, Ջրային կոմիտեից, Մրցակցության պաշտպանության հանձնաժողովից, թաղապետի ու քաղաքապետի մասին էլ ընդհանարապես չենք էլ ուզում խոսել: 
 
Ավինյանը քարոզարշավի ժամանակ ասում էր՝ ասեք, կանենք, 1 ամսից ավելի է՝ ասում ենք՝ հարգելի՛ քաղաքապետ, հարգելի՛ թաղապետ, «Վելոիա Ջրին» ասեք, որ էս մարդիկ արդեն չեն դիմանում առանց ջրի մնալուն, բայց ոչ մի օգուտ: 

Ու հիմա տուրիստական այս սեզոնին կփակենք դեպի Գառնի գնացող ճանապարհը, հետո չասեք, թե մենք դեմ ենք տուրիզմի զարգացմանը: 

Ֆոտոլրագրողը հայտնում է, որ այսօր բնակիչները ցանկանում էին դիմել կտրուկ միջոցի ու փակել ճանապարհը, սակայն քննարկումների արդյունքում եկան այն եզրակացության, որ հիմա որպես նախազգուշացում են անում և եթե 1-2 օրվա ընթացքում գոնե օրական 10-12 ժամ ջրամատակարարում չստանան, արդեն դիմելու են ծայրահեղ միջոցների: 

Այս թեմայով Վթարային ջրանջատումներ Վթարային ջրանջատում Երևանի Կենտրոն վարչական շրջանում սեպտեմբերի 7-ին «Վեոլիա ջուր»-ն «անակնկալ» մատուցեց գիտելիքի օրվա առթիվ Համաշխարհային տվյալների կենտրոնները մինչև 2030 թվականը կարող են եռապատկել ջրի սպառումը Վթարային ջրանջատում Երևանում