Եմենում ներգաղթյալներով նավ է խորտակվել․ կան տասնյակ զոհեր

Եմենի հարավային Աբյան նահանգի ափերի մոտ Աֆրիկայից ներգաղթյալներ տեղափոխող նավ է շրջվել, ինչի հետևանքով ավելի քան 20 մարդ զոհվել է, տասնյակներն անհետ կորել են, գրում է РИА Новости-ն։

Նշվում է, որ նավը շրջվել է շաբաթ օրը՝ տեղական ժամանակով ժամը 23:00-ի սահմաններում՝ ուժեղ քամու պատճառով։ «Կիրակի առավոտյան Շուկրա և Զինջիբար քաղաքների ափերի մոտ տեղում գտնվող խմբերը ավելի քան 20 դիակ են հայտնաբերել… Տասնյակ միգրանտներ դեռևս անհետ կորած են համարվում», – ասված է հաղորդագրության մեջ։

«Սինհուա» գործակալությունն էլ հայտնել է, որ 12 անձ տեղափոխվել է հիվանդանոց։ Աբյան նահանգի անվտանգության վարչությունը հայտարարության մեջ նշել է, որ անվտանգության ուժերը գործողություն են իրականացնում Եմեն մուտք գործել փորձող եթովպիական ծագում ունեցող մեծ թվով անօրինական ներգաղթյալների դիերը դուրս բերելու համար։

Այս թեմայով Դամասկոսը և քրդական կոալիցիան մեղադրել են միմյանց Սիրիայի հյուսիսում հրետակոծության մեջ Սիրիայի նոր արտգործնախարարը հայտարարել է՝ Ռուսաստանի հետ հարաբերությունները «անցյալի հիմքի վրա չեն կառուցվի»