Ինչպե՞ս է անցել Ջենիֆեր Լոպեսի երեկոն Cascade Royal ռեստորանում, ո՞ր հայկական ուտեստներն է փորձել, ո՞րն է ամենից շատ հավանել

Ջենիֆեր Լոպեսը երեկ իր երեկոն անցկացրել է Cascade Royal երևանյան ռեստորանում: Երգչուհու այցը ռեստորան հաճելի անակնկալ է եղել ոչ միայն այնտեղի հյուրերի, այլեւ հենց ռեստորանի անձնակազմի համար: NEWS.am STYLE-ի հետ զրույցում Cascade Royal-ի մենեջեր Մարի Վարդանյանը նշեց, որ մինչեւ վերջ գաղտնի է պահվել երգչուհու այցը, իմացել են, որ նրա անձնակազմից հյուրեր են լինելու, բայց այն, որ անձամբ Լոպեսն է գալու, անակնկալ է եղել:

Մենեջերի խոսքով՝ երգչուհին նախընտրել է նստել հենց բացօթյա հատվածում՝ չխուսափելով մյուս հյուրերից: Թեեւ սկզբում, քանի որ նա մեջքով է նստած եղել, շատերը չեն նկատել նրան, իսկ երբ ճանաչել են, հաճելի իրարանցում է սկսվել:

Աստղը ռեստորանում փորձել է հիմնականում հայկական ուտեստներ՝ տոլմա, խորոված, հայկական պանիրներ, քամած մածուն, խորոված բանջարեղեն, հավ՝ պանրային սոուսով: Մենեջերի խոսքով՝ նա գոհ է եղել ընդունելությունից եւ, հատկապես, հավանել է տոլման:

Հավելենք, որ Ջեյ Լոն երեկ էր ժամանել Երեւան: Նա հանգրվանել է 7 Visions The Dvin հյուրանոցում: Երգչուհին այստեղ է իր համերգային շրջագայության շրջանակում: Նրա երեւանյան առաջին մենահամերգը տեղի կունենա այսօր՝ օգոստոսի 3-ին, Վազգեն Սարգսյանի անվան մարզադաշտում:

Այս թեմայով Որ ուժերն են մասնակցում Կարապետյանի տան հավաքին Ես հավատացյալ եմ դարձել, շատ խորը հավատացյալ․ Ռաֆիկ Համբարձումյան Պատերազմի սկզբից արդեն խախտվել էր պատերազմի «այբուբենը». Նոյեմբերի 9-ին պայմանագրից 6 տարի անց Վաղը պետք է կարևոր բան լիներ, մի քանի ժամից կիմանաք, դա են փորձել կանխել․ Նարեկ Կարապետյան Առնվազն ծիծաղելի է մանկամիտներս մութ սենյակում սեւ կատու փնտրելը. հատուցումը ծանր է լինելու՝ այն սարերի հետեւում չի