Չինաստանը արհեստական անձրևներ է ստեղծում չոր շրջաններում

Չինաստանը խստացրել է եղանակի փոփոխման միջոցառումները՝ նպատակ ունենալով ավելացնել տեղումները երկրի հյուսիսային՝ երաշտից տուժած շրջաններում, որտեղ դեռ շարունակվում է ցորենի բերքահավաքը։ Այս մասին հաղորդում է Bloomberg-ը։

Չինաստանի օդերևութաբանական վարչության տվյալներով՝ նախորդ շաբաթ Չինաստանի հացահատիկային գոտում երկար սպասված անձրևներից հետո, իշխանությունները համակարգել են գործողությունները՝ տեղումների արհեստական ավելացման համար։

Միջոցառումները իրականացնում են հատկապես ներքին Մոնղոլիայում, Շենսիում և Շանսիում։

Եղանակի փոփոխման մեթոդներից մեկն ամպերի «ստեղծումն» է՝ հատուկ քիմիական նյութերով, ինչը կարող է իրականացվել թե՛ ցամաքից, թե՛ ինքնաթիռների կամ դրոնների միջոցով։ Այս տեխնոլոգիայի նպատակն է ուժեղացնել անձրևներն ու ձյան տեղումները, ինչպես նաև նվազեցնել կարկուտի վտանգը։

Չինաստանը հայտարարում է, որ ունի աշխարհում ամենախոշոր եղանակի մոդիֆիկացիայի ծրագիրը, և վերջին տարիներին ավելացնում է ներդրումներն այս ոլորտում՝ կապված կլիմայի փոփոխությունների հետևանքով աճող սննդի անվտանգության ռիսկերի հետ։

«Սինհուա» պետական գործակալության հաղորդմամբ՝ 2025 թվականին արհեստական տեղումների գեներացման գործողությունների ծավալը աճել է 20%-ով՝ 2024 թվականի նույն ժամանակահատվածի համեմատ։ Թեև կոնկրետ տվյալներ չեն ներկայացվել, նշվում է, որ տեղումների քանակը մոտավորապես մեկ երրորդով ավելացել է։

Միայն մեկ շաբաթվա ընթացքում ամպերի ստեղծման միջոցով հնարավոր է եղել ստանալ լրացուցիչ մոտ 500 միլիոն խորանարդ մետր տեղումներ։

Բացի արդեն նշված տարածաշրջաններից, տեխնոլոգիան կիրառվում է նաև Նինսիայում և Գանսուում։

Այս թեմայով Չինաստանում նախազգուշացրել են արհեստական բանականության՝ պետական անվտանգության համար սպառնալիքների մասին Արհեստական ​​բանականությունը կարող է գրավել ամբողջ ինտերնետը ընդամենը 6-12 ամսից. Մասնագետ Չինաստանի առևտրային հաշվեկշռի դրական մնացորդը հասել է 119 մլրդ դոլարի՝ արտահանման աճի ֆոնին Մեծ Բրիտանիայում առաջին անգամ ուղեղի ուռուցքը հեռացվել է արհեստական ​​բանականության օգնությամբ «Փեյփր Հաուս» ՍՊԸ-ն առաջարկում է մի շարք ծառայություններ