Պուտինը պատասխանեց Թրամփի վերջնագրին. ԱՄՆ նախագահը պետք է, որ մտածելու շատ բան ունենա

Այսպիսով, Ռուսաստանի պատասխանը Թրամփին տրված է։ Ընդհանուր առմամբ, ամեն ինչ սպասելի է։ Խոսքը Լուկաշենկոյի հետ հանդիպման ժամանակ Պուտինի հայտարարությունների մասին է:

Այն է` Վլադիմիր Պուտինը չի տեսնում որևէ պատճառ, թե ինչու Ռուսաստանը պետք է նահանջի իր նպատակներից, որոնք սահմանված են ՀՌՕ-ի համար։ «Սրանք պայմաններ չեն, այլ նպատակներ։ Ես ձևակերպեցի Ռուսաստանի նպատակները։ Մինչև հիմա, մինչև այդ պահը, մեզ ասում էին, որ անհասկանալի է, թե ինչ է ուզում Ռուսաստանը։ Մենք դրանք ձևակերպեցինք անցյալ տարվա հունիսին՝ Ռուսաստանի Դաշնության արտաքին գործերի նախարարության ղեկավարության հետ հանդիպման ժամանակ։ Այնտեղ ամեն ինչ պարզ է»։

Եվ եթե ինչ-որ մեկը դրանից իրեն լավ չի զգում, ապա ՌԴ նախագահը մանրամասնեց. «Ինչ վերաբերում է որևէ մեկի կողմից ցանկացած հիասթափության, ապա բոլոր հիասթափությունները առաջանում են չափազանցված սպասումներից։ Հարցին խաղաղ մոտենալու համար անհրաժեշտ է մանրամասն զրույցներ վարել և դա անել ոչ թե հրապարակայնորեն, այլ հանգիստ, բանակցային գործընթացի լռության մեջ»։

Այն է` եթե Թրամփը ցանկանում է պատերազմը, առավել եւս` դրա խաղաղության թեման դարձնել քարոզչական շոուի` սեփական ես-ի քարոզչության համար, ապա, իհարկե, ուզածին չհասնելու դեպքում կարող է նաեւ հիասթաթփվել:

Արդյունքում, թերեւս Թրամփը շատ շուտով կհասկանա, որ շատ լուրջ սխալ է թույլ տվել՝ Ռուսաստանին վերջնագիր տալով։ Ասենք, արդեն այս պահին էլ է գիտակցում` հայտարարելով, որ չի հավատում, որ նոր պատժամիջոցներն էֆեկտիվ կլինեն: Այսինքն, ինքն իրեն դրեց մի վիճակում, երբ ստիպված է գնալ ոչ էֆեկտիվ հեռանկարով քայլի, ինչպես ժամանակին Բայդենն էր անում, եւ արդյունքում, կորցրեց նախագահական աթոռը: Գումարած, նորից ծայրահեղ սրվելու են ռուս-ամերիկյան հարաբերություննեը, որոնք առանց այդ էլ հասել էին ուղիղ բախման շեմին: Իսկ այս ամենը կշարունակի խորացներ Թրամփի թիմում առանց այդ էլ մեծ ծավալների հասած հակասությունները: Կամ չի գնա այդ քայլին, եւ նրա տարատեսակ «վերջնագրերը» պարզապես ծիծաղելի կդառնան, իր հերթին մեծ հարված դառնալով Թրամփի ներքին դիրքերին: Այսինքն, սա մի իրավիճակ է, որն առանց հետք թողնելու չի անցնի Միացյալ Նահանգներում։

Չնայած, Պուտինը նորից կրկնեց, որ պատրաստ է բանակցությունները, բայց բացառապես Մոսկվայի ներկայացրած պայմանների շրջանակներում: Եթե Թրամփը կարողանա մինչեւ իր իսկ նշանակված «վերջնագրի» ավարտը Կիեւին պարտադրել` ընդունել այդ պայմանները կամ դրանց շրջանակներում բանակցությունենր սկսել, ապա այլ իրավիճակ կստեղծվի նաեւ Թրամփի համար:

Այս թեմայով Polymarket հարթակում Թրամփի կուսակիցների հաղթանակին ընդամենը 9% հավանականություն է տրվում Իրանի գլխավոր օդանավակայանը շարունակում է լիարժեք գործել՝ չնայած ԱՄՆ պատժամիջոցներին Թրամփը կրկնապատկում է Ուկրաինայում պատերազմին վերջ տալու ջանքերը. Ֆինլանդիայի նախագահը Բրիտանիան կարող է աղետի ենթարկվել, եթե ԱՄՆ-ն արգելի դիզելային վառելիքի արտահանումը. Telegraph ԻՊՀԿ-ն հայտարարեց ԱՄՆ-ի REMUS 600 ստորջրյա անօդաչուի գրավման մասին (Տեսանյութ)