ՀՐԱՏԱՊ. Աղմկոտ գործերով հայտնի փաստաբանը դիմել է ՀՀ-ում հավատարմագրված դեսպաններին եւ ոչ միայն

Բաց հայտարարություն Հայաստանի կառավարությանը, ՄԱԿ-ին, Յունեսկոյին, Հայաստանում հավատարմագրված դիվանագիտական կորպուսին
  
Այն, որ բնական իրավունքի նորմ համարվող արժանապատվությունը տարիներ առաջ հարկադրաբար խլվեց  հայերից հանրահայտ փաստ է։ Հանրահայտ փաստ է նաև, որ գալու է հատուցման ու պատասխան տալու ժամը։ Ժամ, որին արժանի  պիտի լինես քո հավատքով, աշխատանքով, պարտադիր պայման 'միասնաբար։

Արձանագրում եմ,որ Այվազովսկու կտավների ուժն աշխարհ է վերափոխել,սերունդներ են կրթվել ,դաստիարակվել,հզորացել։ Այժմ, աշխարհի տիրակալներ ձեր, բոլորիդ աչքի առաջ հերթական վանդալիզմն է տեղի ունեցել։
Համաշխարհային ճանաչում ունեցող ծովանկարիչ Հովհաննես Այվազովսկին (Իվան Կոնստանտինովիչ Այվազյան) հանդիսանում է ոչ միայն հայ ժողովրդի, այլև համամարդկային մշակութային ժառանգության մաս։ Ադրբեջանի կողմից նրա հուշարձանի վնասումը կամ վերացումը միջազգային իրավունքի և մշակութային պաշտպանության հիմնարար սկզբունքների կոպտագույն խախտում է։

1. 1954 թ. Հաագայի կոնվենցիա՝ «Զինված բախումների ժամանակ մշակութային արժեքների պաշտպանության մասին»

Հոդված 1 – արձաններն ու արվեստի գործերը դասվում են մշակութային արժեքների շարքին։

Հոդված 4(3)  պետությունները պարտավոր են ձեռնպահ մնալ մշակութային արժեքների վնասումից՝ անգամ խաղաղ պայմաններում։
 ՅՈՒՆԵՍԿՕ-ի 2003 թ. և 2005 թ. կոնվենցիաներ

2003 թ․ Կոնվենցիա՝ Ոչ նյութական մշակութային ժառանգության պաշտպանության մասին։

Ադրբեջանը  պարտավոր է հարգել հայ ժողովրդի մշակութային ինքնությունը։
 ՄԱԿ-ի Քաղաքացիական և քաղաքական իրավունքների միջազգային դաշնագիր (ՔՓԻԴ, 1966 թ.)

Հոդված 27 – ազգային փոքրամասնությունները իրավունք ունեն պահպանել իրենց մշակույթը, լեզուն և ավանդույթները։
. ՄԱԿ-ի Ռասայական խտրականության վերացման մասին միջազգային կոնվենցիա (1965 թ.)

Հոդված 5 – արգելում է խտրական վերաբերմունքը ազգային կամ էթնիկ պատկանելության հիմքով՝ հատկապես մշակութային իրավունքների ոլորտում։

Միջազգային քրեական դատարանը (ՄՔԴ) դեռևս Տիմբուկտուի գործով ամրագրեց, որ մշակութային արժեքների միտումնավոր ոչնչացումը կարող է դիտարկվել որպես հանցագործություն Menschlichkeit-ի (մարդկայնության դեմ ուղղված) համատեքստում։

Այվազովսկու արձանի ոչնչացումը չունի որևէ իրավաչափ հիմնավորում և փաստացի հանդիսանում է՝

ՀԱՆՑԱԳՈՐԾՈւԹՅՈւՆ

Ազգային ատելության հիմքով մշակութային ժառանգության դեմ 

Այս գործողությամբ Ադրբեջանը ոչ միայն խախտում է միջազգային իրավունքի նորմերը, այլ նաև խոչընդոտում է մշակութային երկխոսության և հաշտեցման գործընթացները տարածաշրջանում,

Հաշվի առնելով վերոգրյալը՝ 
 Հայցում եմ. 

1. Միջազգային համապատասխան կառույցների կողմից Ադրբեջանի նկատմամբ դիվանագիտական և իրավական գնահատական։

2. ՅՈՒՆԵՍԿՕ-ի և ՄԱԿ-ի համապատասխան մարմինների միջամտություն՝ մշակութային արժեքների պաշտպանության ուղղությամբ։

Փաստաբան' Լևոն Բաղդասարյան։

Այս թեմայով Եթե այս կիրակի ընտրություն լինի՝ ՔՊ՝ 24.3%, «Ուժեղ Հայաստան»՝ 8.5%, «Հայաստան»՝ 6.7%, ԲՀԿ՝ 3.3% Քուշներ. ԱՄՆ-ն ցանկանում է կառուցել նոր եվրոպական անվտանգության համակարգ, որը հաշվի կառնի Ռուսաստանի շահերը Թրամփը հայտարարել է Ուկրաինայի և Ռուսաստանի միջև «խոշոր գործարքի» նախապատրաստման մասին ՌԴ ԱԳՆ-ն խորհուրդ է տալիս ձեռնպահ մնալ Իրան ուղևորություններից «Ժողովուրդ». Ինչ վիճակ է ԱԱԾ մեկուսարանում․ Ռոբերտ Քոչարյանը՝ մի քանի քառակուսի մետրում, քրեական հեղինակությունները՝ նույն խցերում