Ռուսական ալիքներում մեծ աղմուկ է բարձրացրել այն, որ ՏԱՍՍ-ը, ենթարկվել է Բաքվի պահանջին

Ռուսական ալիքներում մեծ աղմուկ է բարձրացրել այն, որ ՏԱՍՍ-ը, ենթարկվելով Բաքվի պահանջին, իր հրապարակումից հեռացրել է Ստեփանակերտ անվանումը, փոխարենը գրելով Լեռնային Ղարաբաղով: Այն դեպքում, երբ խոսքը Ստեփանակերտում Այվազովսկու արձանի վանդալական ոչնչացման մասին էր, որը Ռուսաստանում ընկալել են, որպես ոչ միայն Հայաստանի, այլ նաեւ՝ հենց Ռուսաստանի հանդեպ մեծագույն վիրավորանք եւ դեմարշ:

Ըստ աղբյուրներից մեկի. «ՏԱՍՍ-ը զիջումներ է արել Ադրբեջանին: Բաքվին դուր չի եկել, որ գործակալությունը հոդվածում օգտագործել է Ստեփանակերտ քաղաքի (ադրբեջաներեն՝ Խանքենդի) հայկական անվանումը։ Արդյունքում, ՏԱՍՍ-ի ղեկավարությունը չի պաշտպանել իր իրավունքները, այլ հետևել է Բաքվի պահանջին։ Խմբագիրը «Ստեփանակերտ» տեղանունը փոխարինել է «Լեռնային Ղարաբաղով»։ Արդյոք անվտանգության ուժերը նույնպե՞ս պետք է ներողություն խնդրեն ադրբեջանցի ավազակների ձերբակալությունների համար։ Կամ գուցե Բաքվի հրամանով Գուսմանը պետք է վերադարձվի աշխատանքի՞»։

Գուսմանի անունը պատահական չի հիշատակվում: ՏԱՍՍ-ի երկարամյան աշխատակից եւ գլխավոր տնօրենի առաջին տեղակալ Միխայիլ Գուսմանին օրերս վարչապետ Միխայիլ Միշուստինը ազատեց պաշտոնից՝ Շուշիում Ալիեւի կազմակերպած սկանդալային ֆորումին մասնակցելու համար: Այնտեղ Հեյդարովիչը մի շարք կոշտ հայտարարություններ էր հնչեցրել ՌԴ-ի հասցեին, մինչդեռ ներկա Ռուսաստանի ներկայացուցիչները ոչ միայն ծպտուն անգամ չէին արել, այլ նույնիսկ «տակից» գովերգել էին ադրբեջանական սուլթանիկին: Թե ինչու, ռուսական փորձագիտական դաշտում շատ լավ հասկանում են՝ ադրբեջանական փողերի համար:

Արդյունքում, Գուսմանին թեեւ վռնդեցին, բայց փաստը, որ ՏԱՍՍ-ը շարունակում է ենթարկվել Ալիեւի հրամաններին, հուշում է, որ միայն Գուսմանը չէ, որ նստած է Բաքվի «ասեղի» վրա: Եվ ներկայիս աղմուկն էլ, հասկանալի է, հենց այդ նպատակով է՝ ռուսական պետական գործակալությունը լրիվ մաքրել ադրբեջանական դրածոներից:

Այս թեմայով Հրատապ. Նրա ազատությունը սարերի հետեւում չէ. Հայտնի փաստաբանի հայտարարությունը Սարդերը տանը հայտնվում են կոնկրետ պատճառով. այն ձեզ կզարմացնի Ռուսական ուժերը կրկին ծանր հրթիռային հարված են հասցրել Կիեւին եւ այլ տարածքների (Տեսանյութ) Ռուսական ուժերը ոչնչացրել են Կրամատորսկի ռազմավարական կամուրջներից մեկը (Տեսանյութ) Ռուսական արբանյակը, հնարավոր է, Ուկրաինային տվյալներ փոխանցող օբյեկտի վրա հարձակման փորձարկումէ արել. Reuters