Գրիգոր Ղազարյանը սահմանել է նոր ռեկորդներ և դարձել Եվրոպայի պատանեկան առաջնության չեմպիոն

Հայաստանի ծանրամարտի պատանիների հավաքականի անդամ Գրիգոր Ղազարյանը դարձել է Եվրոպայի պատանեկան առաջնության չեմպիոն՝ նվաճելով երեք ոսկե մեդալ և սահմանելով մի քանի ռեկորդներ:

Իսպանիայի մայրաքաղաք Մադրիդում ընթացող Եվրոպայի առաջնությունում 84 կգ քաշային կարգում հանդես եկող հայ մարզիկը պոկում վարժությունում կատարել է երեք հաջող մոտեցում՝ 140 կգ, 145 կգ և 148 կգ: Վերջին արդյունքով նա սահմանել է  պատանեկան Եվրոպայի նոր ռեկորդ և զբաղեցրել առաջին հորիզոնականը:

Հրում վարժությունում Ղազարյանը սկսել է 180 կգ արդյունքով՝ սահմանելով Եվրոպայի նոր ռեկորդ ինչպես հրում վարժությունում, այնպես էլ երկամարտում: Այնուհետև թարմացրել է  սեփական ցուցանիշները՝ հերթականությամբ բարձրացնելով 185 կգ և 190 կգ ծանրություն: Այս վարժությունում ևս Ղազարյանը զբաղեցրել է առաջին տեղը:

Երկամարտի 338 կգ ընդհանուր արդյունքով Գրիգոր Ղազարյանը դարձել է 2025 թվականի Եվրոպայի պատանեկան առաջնության չեմպիոն:

Այս թեմայով Կարևոր չի՝ Փաշինյանն ու մյուսները ինչ տեսքտով են երդվելու, մեկ ա՝ երդմնազանց են լինելու. Էդգար Ղազարյան «Չե՞ք ուզում հրաժարական տալ, որ արժանի ԱԺ նախագահ ընտրենք», «Տափակ հումոր էր, չեմ պատրաստվում» Պատկերացրեք՝ Փաշինյանն է ասում. «Երդվում եմ ծառայել Ադրբեջանին, կատարել Ալիևի ասածները» Մարիա Կարապետյանը թող ասի, թե ինչ առնչություն է ունեցել Թուրքիայի ու Ադրբեջանի հետ. Ղազարյան Ձեր քույրն ասել է, որ հատ-հատ կծամի բոլորի ականջները, սկանդալային պատմություն է. Ղազարյան