12-օրյա պատերազմի ընթացքում Իրանի կրած վնասները ԱՄՆ-ն պետք է փոխհատուցի.Արաղչի

ԱՄՆ-ն պետք է փոխհատուցի Իրանի կրած վնասները վերջին 12-օրյա պատերազմի ընթացքում. այս մասին Financial Times-ին տված հարցազրույցում ասել է Իրանի ԱԳ նախարար Աբբաս Արաղչին:

«ԱՄՆ-ն առաջարկել է վերսկսել բանակցությունները։ Բայց մեզ անհրաժեշտ են նրանց կողմից իրական վստահություն ձևավորող քայլեր, որոնք պետք է ներառեն ինչպես ֆինանսական փոխհատուցում, այնպես էլ երաշխիքներ, որ բանակցությունների ընթացքում հարձակում Իրանի վրա չի լինի», - ասել է ԱԳ նախարարը։

Հիշեցնենք, որ հունիսի 22-ին ԱՄՆ օդուժը հարվածներ է հասցրել Իրանում՝ Ֆորդոյում, Նաթանզում և Սպահանում գտնվող երեք միջուկային օբյեկտներին։ Օրերս ԱՄՆ նախագահ Դոնալդ Թրամփը հայտարարել էր, որ Միացյալ Նահանգները պատրաստ է նոր հարված հասցնել Իրանի միջուկային օբյեկտներին, եթե վերջինս փորձի վերականգնել դրանք։

«Մենք ոչնչացրել ենք նրանց միջուկային ներուժը։ Նրանք կարող են ամեն ինչ սկսել նորից։ Եթե նրանք դա անեն, մենք կոչնչացնենք (միջուկային օբյեկտները) ավելի արագ, քան դուք կհասցնեք մատ շարժել։ Մենք ստիպված կլինենք դա անել», - ասել էր Թրամփը:

Այս թեմայով Նախարարներն ու մարզպետները գրեթե մեկ ամիս արձակուրդում կլինեն․ քարոզարշավ պետք է անեն Երեխայի նկատմամբ բռնությունը մեղք է ոչ միայն օրենքի, այլ նաև Աստծո առաջ. Հայտնի իրավապաշտպանը մանկապղծության դեպքի մասին Թրամփը շտապում է ավարտել Իրանի հետ առճակատումը մինչ Չինաստան այցելելը Գերմանիան արագորեն պատրաստվում է Ռուսաստանի հետ հնարավոր պատերազմի. Բեռլինում ՌԴ դեսպան Իրանի հետ պատերազմն ավարտցած է, ԱՄՆ-ն Իրանի հետ սկսում է պատերազմ. Ռուբինո (Տեսանյութ)