Ռուսներն այս գիշեր Կիեւի վրա հարձակվել են նոր ռեակտիվ անօդաչուներով

Ռուսական փորձագիտական աղբյուրները հայտնում են, որ թեեւ Կիեւի վրա այս գիշերային հարձակումն ամենամասշտաբայիններից չէր, սակայն այն լուրջ առանձնահատկություն ուներ: 

Այն է` ռուսական ուժերը կիրառեցին նոր «Գերանիում-3» անօդաչուները: Այս անօդաչուները համալրված են ռեակտիվ շարժիչով, որի հաշվին ձեռք են բերում ավելի քան 600 կմ/ժ արագություն։ Այսինքն, գործնականում զրոյացնում են ոչ միայն Ուկրաինայի շարժական ՀՕՊ ուժերի հնարավորությունները, այլև նրանց հակաօդային անօդաչու թռչող սարքերը (որոնք վերջերս սկսեց օգտագործել «Գերանիում»-ների դեմ)։

Միևնույն ժամանակ, թռիչքի ավելի բարձր արագության և նույն թևի մակերեսի շնորհիվ, նոր անօդաչու թռչող սարքը կարողացավ կրել միանգամայն պատկառելի մարտագլխիկ (մինչև 300 կգ)։ Իսկ դա արդեն համեմատելի է «Կալիբր» թևավոր հրթիռի հետ։

Այսպիսով, «Գերանիում-3», ըստ էության, թևավոր հրթիռ է, որը մարտական հզորությամբ եւ այլ հնարավորություններով մի փոքր զիջում է նույն «Կալիբր»-ին եւ այդ կարգի այլ հրթիռների։ Միեւնույն ժամանակ լինելով էապես էժան` 10-15 անգամ:

Արդյունքում, թեեւ անօդաչուների քանակով այս գիշերային հարձակումը համեստ էր, սակայն խոցված թիրախները նույնքան են, որքան ամենազանգվածային հարձակումների ժամանակ: Իսկ պայթուցիկի ավելի մեծ քանակությունը, բնական է, ամեն մի հարվածի ավելի մեծ կործանիչ էֆեկտ է տալիս:

Այս թեմայով Ղազախստանն Ուկրաինային կոչ է արել Սև ծովում դադարեցնել գրոհներն իրենց նավերի վրա Իսրայելում 9-ամյա հայ երեխայի վրա հարձակված տղամարդը ձերբակալվել է Ինչու Կիեւի քաղաքապետ Կլիչկոյի երեխաները չեն գտնվում առաջնագծում Ռուսներն Օդեսայի մարզում կարեւոր կամուրջ են խոցել (Տեսանյութ) Վերջին երկու օրերին Իրանը Հորմուզի նեղուցում հարձակվել է 19 նավի վրա (Տեսանյութ)