Ադրբեջանը nչնչացրել է Ստեփանակերտում տեղադրված Այվազովսկու հուշարձանը

Այսօր՝ հռչակավոր ծովանկարիչ Հովհաննես (Իվան) Այվազովսկու ծննդյան օրն է։ Այս օրը ցավով արձանագրում ենք, որ 2021 թվականին Ստեփանակերտում տեղադրված Այվազովսկու հուշարձանը ոչնչացվել է ադրբեջանական օկուպացիոն վարչակազմի կողմից, այն բանից հետո, երբ 2023 թվականին Արցախի ողջ բնակչությունը բռնությամբ տեղահանվեց հայրենիքից։ Այս մասին տեղեկանում ենք Զբոսաշրջության եւ մշակույթի զարգացման գործակալության տարածած հաղորդագրությունից:

«Հուշարձանի հեղինակն է քանդակագործ Ս. Շչերբակովը։ Այն նվիրված էր ոչ միայն համաշխարհային ճանաչում ունեցող հայ նկարիչին, այլև Արցախը հայկական և համազգային մշակութային ժառանգությանը միացնող կապերին։

Հուշարձանի ոչնչացումը հանդիսանում է Արցախում հայկական մշակութային ներկայության համակարգված վերացման հերթական վկայությունը։ Մենք շարունակում ենք փաստել, արձանագրել և հանրայնացնել մշակութային արժեքների ոչնչացման փաստերը՝ համոզված լինելով, որ դրանք չեն մոռացվելու, և միջազգային հանրությունը կձեւակերպի արժանի գնահատական»:

Այս թեմայով Ոսկե մեդալ, Այվազովսկու ազգության շուրջ բանավեճ եւ նոր գրական կամուրջներ Ի՞նչ ասենք թշնամիներին, եթե յուրայիններն են մեր սրբությունները ոտնահարում. Մարդոյան Ինչպե՞ս կարող ես անասուններին բացատրել՝ ով է Այվազովսկին. Մարդոյանի կոշտ արձագանքը՝ հրեշավոր վանդալիզմին ՌԴ-ում մեծ շուքով նշում են հայ ծովանկարչի ծննդյան օրը, Հայաստանում՝ լռում Այսօր աշխարհահռչակ ծովանկարիչ Հովհաննես Այվազովսկու 207-րդ ամյակն է