Ի՞նչ է արել ընդդիմադիր Քոչարյանը, ինչը չեմ արել ես. Վահան Բաբայան

2020թ սեպտեմբերի 4-ին ես եմ եղել իմ կողմնակիցների հետ փողոցում և պահանջել Փաշինյանի հեռացումը: 2021թ ես չեմ խոստացել, որ կրելու եմ, հետո մի երկու ասուլիս տվել թեման ցրել:

 

2022-2024թթ ես չեմ անիմաստ սպասումներ ձևավորել մարդկանց մոտ ու ֆանարիկ շոու արել գիշերային Երևանում: Իմ խմբակցության պատգամավորներին ու կողմնակիցներին չեն բանտարկել, ու ես իմ հանգիստը այդժամ վայելել օտար ծովերում: Իմ խմբակցության պատճառով չէ 2025թ իմպիչմենտի գործընթացը ԱԺ-ում կանգ առել, այլ Քոչարյանի: Բա հարցրեք իրեն՝ ինչո՞ւ:

 

Ես չեմ խուսափել և խուսափում հանրային բանավեճերից ու մարդկանց ներկայանում եմ իմ դեմքով, իմ կարծիքով և ծրագրերով, իսկ ո՞ւր է Քոչարյանը:

Վերջին 4 տարում Քոչարյանի կողմնակիցները բացի Սերժ Սարգսյանի դեմ վայրահաչելուց՝ ուրիշ ոչ մի գործունեություն չեն ծավալել ու սրանով ուզում են համարվել ընդդիմություն:

 

Իշխանությունը նույն բանը 7 տարի անում է Սերժ Սարգսյանի դեմ, դրա համա՞ր էիք գնում ձայն խնդրում ու մանդատ վերցնում և պինդ գրկում այդ մանդատները:

Ու էսքանից հետո՝ ի՞նչ է արել ընդդիմադիր Քոչարյանը, ինչը չեմ արել օրինակ՝ ես կամ ինձ նման ընդդիմադիր այլ կուսակցությունների առաջնորդները:

Ու էդ ո՞նց է ստացվում, որ ինքը պետք է լինի ֆավորիտ, իսկ մյուսները շարքային: Զավեշտալի տրամաբանություն է:

 

Ի տարբերություն իրենց՝ մեր կողմնակիցները չեն վիրավորում և թիրախավորում ուրիշ ընդդիմադիրների ու էլի շատ նման բաներ: Մեր կողմնակիցները մեզ չեն պաշտում, մենք սովորական շարքային մարդ ենք, քաղաքացի ու չենք հավակնում երբևէ մարդ-աստված դառնալ կամ կուռք որևէ մեկի համար:

 

Հ.Գ Հայաստանին անհրաժեշտ է մրցունակ ընդդիմության ղեկավար, ով, իրոք, ունի ծրագիր Հայաստանի ապագան կերտելու համար: Քոչարյանն այդ հանրային բանավեճում չի եղել և չկա: Իհարկե, էս 4 տարվա մեջ մի երկու ասուլիս ու մի քանի հայտարարություն արել է, պետք է օբյեկտիվ լինել: Ի դեպ, Քոչարյանի կողմնակիցներին խորհուրդ եմ տալիս համակերպվել ստեղծված իրենց համար քաղաքականապես անհեռանկար իրավիճակի հետ և ուրիշ տեղ մեղավորներ փնտրելու փոխարեն այս հարցերը տալ իրենց Xzor առաջնորդին», - գրել է Ռեֆորմիստների կուսակցության նախագահ ՎԱՀԱՆ ԲԱԲԱՅԱՆԸ: