Արեւմուտքի ծրագիրն է հայի չգոյությունը՝ ո՛չ որպես քաղաքական, ո՛չ որպես ֆիզիկական տարր. Աղաջանյան

Անդրադառնալով Մեղրիով Ադրբեջանը Նախիջեւանին կապող ճանապարհ տրամադրելու եւ այն ամերիկյան կողմին արտապատվիրակելու մասին հայտարարություններին՝ Ինդոնեզիայում ՀՀ արտակարգ եւ լիազոր նախկին դեսպան ՁՅՈՒՆԻԿ ԱՂԱՋԱՆՅԱՆՆ ասաց, որ Նիկոլ Փաշինյանի առջեւ մեծ խնդիր է դրված՝ չեզոքացնել հանրային ընդվզումը, որպեսզի հնարավոր լինի չարաբաստիկ «միջանցք» կոչվածը տալ՝ այն, ինչը չստացվեց 2020 թվականին, հաջորդող շրջաններում՝ ասելով, թե «Լաչինի միջանցքը հանձնենք, որ Զանգեզուրի միջանցք չլինի»:

—  Եթե այս ընթացքում չլինեին ընդդիմադիր շարժումները, եւ Նիկոլ Փաշինյանն ու ՔՊ-ն անարգել իրականացնեին իրենց ծրագրերը, Հայաստան պետությունից 2020-21 թվականներին արդեն պետք է հրաժարված լինեինք: Մի նախագահ ունեինք, կհիշեք, որ ճամպրուկը հավաքեց եւ փախավ 2021 թվականի հունվարին, պատահական չէր, որ նա հռչակում էր երրորդ հանրապետության վախճանը: Արեւմուտքի ծրագիրն է այս տարածաշրջանում հայի չգոյությունը՝ ո՛չ որպես քաղաքական, ո՛չ որպես ֆիզիկական տարր՝ հանուն իրենց ծրագրերի։ Մինչդեռ Հայաստանն անգամ ԽՍՀՄ-ում չի տարրալուծվել՝ պետական լեզուն հայերենն էր, արդյունաբերությունը ծաղկում էր, գիտնականների քանակով ամենամեծն էր՝ երկրորդ տեղում Ռուսաստանից հետո, եւ ոչ մեկի «սապոգի տակ» չէր, կամակատար չէր։

ՀՐԱՆՏ ՍԱՐԱՖՅԱՆ

Այս թեմայով ՀԱՊԿ-ի հետ կապված մեր հետաքրքրությունները սպառված են. Նիկոլ Փաշինյան ԵԱՏՄ-ից չենք պատրաստվում դուրս գալ, բայց գործընկերները մեզ ասում են՝ կողմնորոշվեք․ Փաշինյան Ես ընդդիմադիր եմ ինչ-որ առումով․․․ Նիիկոլ Փաշինյան Փաշինյանը խոսեց ընդդիմության միավորման մասին և նշեց, որ Վեհափառն էլ կարող է միանալ իրենց ՀԱՊԿ-ի հետ կապված մեր հետաքրքրությունները սպառված են. Փաշինյան