Նոյեմբերի 9-ը Ռուսաստանից մեզ նետված փրկօղակ էր. Հայկ Այվազյան

«Լույս» տեղեկատվական-վերլուծական կենտրոնի ղեկավար ՀԱՅԿ ԱՅՎԱԶՅԱՆԻ գնահատմամբ՝ հայ-ռուսական հարաբերությունները պայմանավորված են այս կամ այն գործընթացներով՝ լինի քաղաքական, տնտեսական, մշակութային, հումանիտար եւ այլն։ Եթե այդ գործընթացները չկան, ուրեմն՝ մեծ հաշվով հարաբերություններ էլ կարող են չլինել։ 

— Այն պայմանագրային բազան, որ գոյություն ունի, մնում է, բայց մենք շատ ուղղություններով պարզապես սառեցրել ենք հարաբերությունները։ Այսինքն՝ եթե հայ-ադրբեջանական կոնֆլիկտի հարցումՌուսաստանը չի կարող ապահովել անվտանգություն, այսինքն՝ այդտեղՌուսաստանը չկա, մնում է միայն որոշ ապրանքատեսակների, օրինակ՝ ծիրանի, կոնյակի կամ ոսկու, ադամանդի արտահանման հարցը։ Դրանց հետ կապված գիտենք, որ, իհարկե, որոշ շարժ կա, սակայն դա հայ-ռուսական դաշնակցային հարաբերություններ անվանել չի կարելի։ Այսինքն՝ այս պահի դրությամբ այդ հարաբերությունները թղթի վրա են մնում։Գործնականում ակտիվ, խորքային դաշնակցային հարաբերություններ չենք տեսնում։
Ընդհանուր առմամբ, սա օրինաչափ է, որովհետեւ այն փաստաթուղթը, որի շուրջ, կարելի է ասել, պատերազմից հետո նույնիսկ այդ հարաբերությունները զարգացել են՝ դա նոյեմբերի 9-ի հայտարարությունն էր։ Այդ փաստաթուղթը բարեհաջող տապալեցին ՀՀ-ում գործող քաղաքական ուժերը։Պետք է նշեմ, որ դա փրկօղակ էր մեզ համար։Նոյեմբերի 9-ըՌուսաստանից մեզ նետված փրկօղակ էր։ Ինչպես գիտենք, խեղդվողին երբ փրկօղակ են նետում, նա չի նայում դրա տեսքին, սիրունությանը կամ հարմարավետությանը, այդ պահին պարզապես բռնվում է դրանից, որպեսզի չխորտակվի։Մենք հրաժարվեցինք բռնվել այդ փրկօղակից, վարկաբեկեցինք ե՛ւ փաստաթուղթը, ե՛ւՌուսաստանին։ 

ԴԻԱՆԱ ՄԱՆՈՒԿՅԱՆ

Այս թեմայով Մեկնարկել է Ազգային ժողովի ընդդիմադիր խմբակցությունների և հասարակական-քաղաքական ուժերի ներկայացուցիչների հանդիպումը Հրատապ. Նրա ազատությունը սարերի հետեւում չէ. Հայտնի փաստաբանի հայտարարությունը Հաջորդը լինելու է ստամբուլյան կոնվենցիան․ Հայկ Այվազյան Նիկոլի ռեպրեսիաների խորապատկերում՝ համախմբման նոր փորձ ՈՒՂԻՂ. Համախմբվում են որ ի՞նչ անեն․ Հայկ Բաբուխանյան