Վիճաբանություն, կրակոց Երեւանում․ կասկածյալը գնդապետի որդին է

Երեկ՝ հուլիսի 27-ին, վիճաբանություն է տեղի ունեցել Երևանում, որի ժամանակ հնչել է կրակոց։

Ինչպես հայտնում է ֆոտոլրագրող Գագիկ Շամշյանը, ժամը 22։20-ի տեղեկություն է ստացվել, որ Գրիբոյեդով փողոցի թիվ 21/6 շենքի բակում վիճաբանություն է տեղի ունեցել, որի ժամանակ հնչել է կրակոց, և անգամ դրանից հետո շարունակվել է վիճաբանությունը։

Տեղում քրեական և համայնքային ոստիկանները պարզել են, որ Գրիբոյեդով փողոցի թիվ 21/3 և 21/5 շենքերի հարևանների միջև կենցաղային հարցի շուրջ վիճաբանություն է տեղի ունեցել, որի ժամանակ մասնակիցներից մեկը՝ Երևանի բնակիչ, 28-ամյա Աշոտ Շահնազարյանը, իր մոտ եղած ատրճանակից կրակոց է արձակել։

Տեղում քրեական և համայնքային ոստիկանները և քննիչները պարզել են նաև, որ կրակոցից հետո Ա․ Շահնազարյանի եղբայրը կրակված պարկուճը դեպքի վայրից վերցրել և նետել է աղբամանի մեջ։ Զննությամբ այն հայտնաբերվել է։

Քրեական ոստիկանները կրակոց արձակած Ա․ Շահնազարյանին տեղափոխել են ոստիկանության Արաբկիրի բաժին՝ խուլիգանություն կատարելու կասկածանքով, ապա տեղափոխել Երևանի քրեական վարչություն, որտեղից էլ նրան ներկայացրել են Արաբկիրի քննչական բաժին։

Ֆոտոլրագրողի տեղեկություններով՝ Ա․ Շահնազարյանի հայրը ոստիկանության նախկին գնդապետ է, ով ճանապարհային ոստիկանությունում բարձր պաշտոններ է վարել, իսկ Ա․ Շահնազարյանի պապը՝ Աշոտ Շահնազարյանը, եղել է ՀՀ Տնտեսական մրցակցության պաշտպանության պետական հանձնաժողովի նախագահ։

Հայտնաբերվել է նաև ատրճանակը, որով կրակոց է արձակվել։  

Այս թեմայով Վիճաբանություն, դանակահարություն ու սպանություն Գյումրիում. տուժածները հայր ու որդի են, մահացել է որդին Սպшնվել է 43-ամյա տղամարդ. կասկածյալը 28-ամյա կին է Նախաքննական մարմնին ուղղակի պետք էր փակի տակ պահել. Նոր մանրամասներ նախկին վարչապետի որդու գործով Խոշոր կաշառքներ, փողերի լվացում. Քոչարյանի վարույթով անցնում են որդին, նախկին վարչապետը, քաղաքապետը, նախարարը Ռոբերտ Քոչարյանը և որդին՝ Սեդրակ Քոչարյանը, ձերբակալվել են