Ֆրանսիայի Ազգային ժողովին առաջարկվել է Հայաստանին աջակցող բանաձև ընդունել

Ֆրանսիայի Ազգային ժողովին ներկայացվել է մի առաջարկ՝ ընդունելու բանաձև, որը նպատակ ունի աջակցել Հայաստանին` Ադրբեջանի հետ խաղաղության ջանքերին՝ ստորագրելով ռազմավարական գործընկերության համաձայնագիր և կոչ անելով ազատ արձակել Ադրբեջանում պահվող արցախցի քաղբանտարկյալներին։ «2023 թվականի աշնանը Լեռնային Ղարաբաղում (Արցախ) ռազմական գործողությունների ավարտից ի վեր, Հայաստանը վճռականորեն ներգրավվել է Ադրբեջանի հետ խաղաղության գործընթացում՝ հարգելով միջազգային իրավունքը և անկեղծորեն ձգտելով տարածաշրջանային հաշտեցման։

Չնայած դրան, Լեռնային Ղարաբաղի տեղահանված հայ բնակչության իրավիճակի և, առավել ևս, այս տարածաշրջանի նախկին քաղաքական, ռազմական և քաղաքացիական առաջնորդների վիճակի վերաբերյալ դեռևս շատ մտահոգություններ կան, որոնք ներկայումս պահվում են Ադրբեջանի կողմից՝ առանց արդար դատավարության երաշխիքների, խախտելով Ժնևի կոնվենցիան և միջազգային մարդասիրական իրավունքի հիմնարար սկզբունքները։

Այս համատեքստում Ֆրանսիան պատմական և քաղաքական դեր ունի՝ որպես Հայաստանի բարեկամ, ՄԱԿ-ի Անվտանգության խորհրդի մշտական անդամ և Եվրոպական հարևանության քաղաքականության ակտիվ մասնակից։ Ֆրանսիան պարտավոր է աջակցել Հայաստանի Հանրապետության խաղաղության ջանքերին և խթանել նրա հետ ռազմավարական գործընկերությունը՝ հիմնված ժողովրդավարության, մարդու իրավունքների, անվտանգության և զարգացման վրա։

Անհրաժեշտ է նաև վճռականորեն պաշտպանել Արցախում քաղբանտարկյալների անհապաղ ազատ արձակումը, որոնց կամայական կալանքը երկարացնում է ցավի և անարդարության ցիկլը տարածաշրջանում։

Այն, ինչ հիմա կատարվում է հայ բանտարկյալների հետ, Ադրբեջանի ցանկության մի մասն է՝ վարելու գոյությունը ժխտելու համակարգված քաղաքականություն։ «Սա Արցախի Հանրապետությունում և Ադրբեջանի կողմից վերահսկվող բոլոր տարածքներում հայ բնակչության ոչնչացման, ինչպես նաև պատմական, մշակութային և կրոնական ժառանգության համակարգված ոչնչացման քաղաքականության շարունակությունն է», — ասվում է բանաձևի նախագծում։

Այս թեմայով Ֆրանսիան ակնկալում է Հայաստանի և Ադրբեջանի միջև խաղաղության համաձայնագրի ստորագրում և վավերացում Նոր շոգի ալիքի ֆոնին հարյուր հազարավոր մարդիկ տարհանվել են Մի դիմում էլ ասա թող ինքը գրի. ԸՆԿԵՐ ՓԱՆՋՈՒՆԻ Արեւմուտքն՝ ինչպես պոռնիկ անսահման… Ֆրանսիայից՝ անվստահությամբ. սփյուռքը երես է դարձրել Փաշինյանից