Որտե՞ղ են այս երկրի հավատացյալները. Աղազարյանը վստահ է, որ Փաշինյանը չի իրագործի իր «սատանայական» գաղափարը

Եթե նույնիսկ ՔՊ-ում մարդիկ կրկնում են Փաշինյանի թեզերը և տպավորություն է ստեղծվում, թե անվերապահ աջակցում են նրան, սակայն ոչ բոլորն են կիսում նրա գաղափարները։ Նման տեսակետ է հայտնում ՔՊ-ից հեռացված պատգամավոր ՀՈՎԻԿ ԱՂԱԶԱՐՅԱՆԸ, ընդգծելով.

-Չնայած դրան՝ կարծում եմ, չեն լինելու մարդիկ, ովքեր կփորձեն կասեցնել եկեղեցու դեմ արշավը։ Այս ամենի արդյունքում Նիկոլ Փաշինյանը իր համար շատ կարևոր խնդիր լուծեց՝ համախմբեց թիմը իր, այսպես կոչված, հովանոցի տակ, որը կոչվում է ճնշումների, մարդկային արժանապատվության ոչնչացման և կոմպրոմատների հովանոց։ Եթե հարցազրույցները լսել եք, ապա տեսել եք՝ նրանք չեն ասում այն, ինչ իրոք մտածում են։ Յուրաքանչյուր ՔՊ-ական՝ լինի պատգամավորը, լինի նախարարը, լինի շարքային անդամ, ամեն ինչ անելու է իշխանությունը վերարտադրելու համար։ Դա անելու է ոչ թե հանուն Նիկոլ Փաշինյանի, այլ հանուն ինքն իրեն։ Յուրաքանչյուրն իր տեղում ավելի մեծ ջանք կգործադրի այդ ամենի համար, քան ինքը՝ Փաշինյանը։

Այդուհանդերձ, ես կարծում եմ, որ Նիկոլ Փաշինյանը չի գնա դրան․ այդ հայտարարությունները նա օգտագործում է որպես ճնշման գործիք՝ Գարեգին Երկրորդի վրա ազդեցություն գործադրելու նպատակով, որպեսզի նա կամավոր հեռանա։ Իմ կարծիքով՝ վերջին պահին Փաշինյանը որևէ ձևակերպում կգտնի ու կխուսանավի, որովհետև դրա հետևանքները կարող են սարսափելի և կործանարար լինել պետականության համար։ Կարծում եմ՝ նաև իր հետևորդները չեն գնա այդ քայլին՝ գիտակցելով, որ դա ուղղված է պետականության դեմ։ Միգուցե Նիկոլ Փաշինյանը՝ ըստ իրեն, դա անում է «հանուն վեհ գաղափարների», բայց իրականում դրա հետևանքները կործանարար են լինելու:

Ամեն դեպքում ես ուզում եմ հասկանալ՝ որտե՞ղ են այս երկրի հավատացյալները։ Եթե նրանց համեմատենք ինձ հետ, ես բոլորից էլ ավելի հավատացյալ եմ,  որովհետեւ եթե Նիկոլ Փաշինյանը որոշի իր սատանայական միտքը իրագործել՝ ես իմ համեստ աջակցությունն եմ ցուցաբերելու եկեղեցուն։

Այս թեմայով Նիկոլ Փաշինյանը խնդիր չունի, դա լավ իմացեք ընդդիմություն համայն՝ Քոչարյանին ձերբակալելով ինքը «զապիվատ» արեց ժողովրդի վստահությունը․ Հովիկ Աղազարյան ՔՊ-ն ջախջախելու է «Ուժեղ Հայաստանին» ու ստանալու է 6 ձայն Սահմանադրության հանրաքվեի համար. Հովիկ Աղազարյան Փաշինյանը սաղին սատկացնում ա, բա յոթ ամիս առաջ էի ասում՝ համախմբվել ա պետք, չլսեցին Հայաստանը ցանկանում են քաղաքակիրթ ձեւով կուլ տալ՝ գրկեն, սիրեն, խեղդեն. Հովիկ Աղազարյան Ում քվեարկել. քաղաքական գործիչները կոչ են անում անպայման մասնակցել ընտրություններին