ԹՐԱՄՓԻՆ ԻՐՈՔ ՊԵՏՔ Է ՈՒԿՐԱԻՆԱԿԱՆ ՊԱՏԵՐԱԶՄԸ ԿԱՆԳՆԵՑՆԵԼԸ

Ա­մեն դեպ­քում, կապ­ված հա­րավ­կով­կաս­յան ուղ­ղութ­յան (Տես նաեւ https://iravunk.com/?p=318820&l=am) մասին Թ­րամ­փի հայտ­նի հայ­տա­րա­րութ­յուն­նե­րի հետ, դեռ չկա մեկ հար­ցի հստակ պա­տաս­խան: Այն է՝ Թ­րամփն ի­րա­կա­նո՞ւմ է լրջո­րեն մտնում այս ուղ­ղութ­յուն, թե՞ այդ բո­լոր հայ­տա­րա­րութ­յուն­նե­րին պետք է նա­յել Մոսկ­վա­յի հետ ներ­կա­յիս «բա­զար­նե­րի» տե­սանկ­յու­նից՝ ըն­դա­մե­նը սպառ­նա­լիք ինչ-որ բան ստա­նա­լու հա­մար:

Ու այն, որ այս հար­ցի պա­տաս­խա­նը շա­րու­նա­կում է գտնվել ուկ­րաի­նա­կան խա­ղա­տախ­տա­կին, որ­տեղ առ­կա գոր­ծըն­թաց­նե­րը դրված են նաեւ ռուս-ա­մե­րիկ­յա­ն ընդ­հան­րա­կան հա­րա­բե­րութ­յուն­նե­րի հիմ­քում, դա եւս նոր պատ­մութ­յուն չէ: Ա­մեն դեպ­քում, գո­նե հրա­պա­րա­կա­յին դաշ­տում Թ­րամ­փը Մոսկ­վա­յից եւ Կիե­ւից ցու­ցադ­րա­բար պա­հան­ջում է՝ բա­նակ­ցել, եւ ե­թե բան չփոխ­վի, այ­սօր Մոս­կվա­յի եւ Կիե­ւի բա­նակ­ցութ­յուն­նե­րը կշա­րու­նակ­վեն Ս­տամ­բու­լում: Բայց ի՞նչ սպա­սե­լիք­ներ կան այդ նոր բա­նակ­ցա­յին փու­լից, այս­տեղ է հար­ցը:

Այս­պես, Թ­րամ­փը թեեւ բա­նակ­ցութ­յուն­ներ է պա­հան­ջում, Մոսկ­վա­յի այդ հեն­քի վրա ինչ-որ սպառ­նա­լիք­ներ է հղում, բայց հաս­տատ քաջ գի­տակ­ցե­լով, որ այս պա­հին կող­մե­րը դեռ շատ են հե­ռու ինչ-որ ռեալ բան պայ­մա­նա­վոր­վե­լուց: Լավ, ա­սենք բա­նակ­ցե­ցին, որ ի՞նչ: Մոսկ­վան քա­նիցս հստակ հայ­տա­րա­րել է, որ ան­կախ նրա­նից, թե Թ­րամփն ինչ է ա­սում եւ ա­նում, մեկ է՝ Կիե­ւին ուղղ­ված հայտ­նի պա­հանջ­նե­րից հետ չի կանգ­նի: Ըստ այդմ, թե­րեւս պա­տա­հա­կան չէ, որ Վա­շինգ­տո­նը ցու­ցադ­րա­բար սպառ­նա­լով Մոսկ­վա­յին, ոչ պաշ­տո­նա­պես Կիե­ւին է ուղ­ղում հիմ­նա­կան ճնշու­մը: Խոս­քը` օ­րերս տա­րած­ված լրագ­րո­ղա­կան են­թադ­րութ­յան մա­սին էր, որ ե­թե այս­պես շա­րու­նակ­վի, Թ­րամ­փը պար­զա­պես մեջ­տե­ղից կհա­նի Զե­լենս­կուն: Եվ այն, որ Կիեւն ան­մի­ջա­պես էլ Ս­տամ­բու­լում Մոսկ­վա­յի հետ նոր հան­դիպ­ման հա­մա­ձայ­նութ­յու­նը տվեց, խո­սում է այն մա­սին, որ Զե­լենս­կին միան­գա­մայն ճիշտ է ըն­կա­լել Վա­շինգ­տո­նից ե­կող այդ ազ­դակ­նե­րը:

­Բայց մյուս կող­մից, ա­մե­րիկ­յան այդ ճնշու­մը բա­վա­րար կլ­ինի՞, որ Զե­լենս­կին գո­նե մաս­նա­կի ըն­դա­ռաջ գնա Մոսկ­վա­յի «բեկ­ման ոչ են­թա­կա» պայ­ման­նե­րին. քիչ հա­վա­նա­կան է, չնա­յած ո՞վ ի­մա­նա: Ե­թե Կիե­ւում ի­րոք վստահ լի­նեն, որ բա­նակ­ցա­յին նոր տա­պա­լում­նե­րի դեպ­քում վա­շինգ­տոն­յան այդ սպառ­նա­լիք­նե­րը ի­րոք կա­րող են կյան­քի կոչ­վել, ա­պա այս դեպ­քում Զե­լենս­կուն պար­զա­պես այլ տար­բե­րակ չի մնում, քան ըն­դա­ռաջ գնա­լը:

Մ­յուս կող­մից, Զե­լենս­կու հա­մար պար­տադ­րող գոր­ծոն կա­րող է դառ­նալ այն ի­րավ­ի­ճա­կը, որն այս պա­հին ստեղծ­վել է ռազ­մա­ճա­կատ­նե­րում: Բանն այն է, որ ճա­կա­տի գործ­նա­կա­նում բո­լոր ուղ­ղութ­յուն­նե­րում այս պա­հին ուկ­րաի­նա­կան ու­ժե­րի հա­մար կա­տաստ­րո­ֆա­յից «մեկ րո­պե պա­կաս» վի­ճակ է: Պոկ­րովս­կից մին­չեւ Կոնս­տան­տի­նով­կա հատ­վա­ծում խո­շոր շրջա­պա­տում­ներ են պարզ ուր­վագծ­վում, եւ դրանք կա­րող են վե­րած­վել ողջ կենտ­րո­նա­կան եւ հյու­սի­սա­յին Դոն­բա­սի գրավ­մա­նը ռուս­նե­րի կող­մից: Այս օ­րե­րին շատ լուրջ վտանգ է տե­սա­նե­լի դառ­նում հա­րա­վում՝ Զա­պո­րո­ժիեում, նույն­քան լուրջ վտանգ կա Խար­կո­վում, Սու­միում եւ այլն: Ընդ ո­րում, ա­մեն մի նոր պար­տութ­յուն սկսել է բա­ցի տա­րածք­նե­րից, ուկ­րաի­նա­կան կող­մի հա­մար վե­րած­վել նյու­թա­կան եւ մարդ­կա­յին ու­ժի այն­պի­սի կո­րուստ­նե­րի, ո­րոնց վե­րա­կանգ­նե­լը գործ­նա­կա­նում անհ­նար է: Այն է՝ «մաղ­ման» տակ են ուկ­րաի­նա­կան վեր­ջին ա­ռանց­քա­յին զո­րա­միա­վո­րում­նե­րը, ո­րը Կիե­ւը մի կերպ կա­րող է լրաց­նել փո­ղոց­նե­րից բռնութ­յամբ հա­վա­քագր­վող­նե­րով: Այ­սինքն, ար­դեն այս տա­րե­վեր­ջին շատ հնա­րա­վոր է, որ ուկ­րաի­նա­կան բա­նա­կի մար­տու­նա­կութ­յու­նը հաս­նի այն­պի­սի ցածր մա­կար­դա­կի, որ դրա­նից հե­տո այ­լեւս ռուս­նե­րին կանգ­նեց­նե­լու ո­րե­ւէ հնա­րա­վո­րութ­յուն չմնա:

Այս ի­րա­վի­ճա­կը, ի­հար­կե, պարզ հաս­կա­նում են նաեւ Վա­շինգ­տո­նում. ա­մեն դեպ­քում, ա­մե­րիկ­յան վեր­լու­ծա­կան ռազ­մա­կան ռե­սուրս­նե­րի մոտ ա­վե­լի ու ա­վե­լի հա­ճա­խա­կի են սկսել հայտն­վել ի­րա­վի­ճա­կի նման գնա­հա­տում­ներ: Այ­սինքն, որ միան­գա­մայն ռեալ է դար­ձել հա­վա­նա­կա­նութ­յու­նը, որ ար­դեն ձմռան մոտ կամ գա­լիք տա­րեսկզ­բին նույ­նիսկ ծի­ծա­ղե­լի հնչի Մոսկ­վա­յին, բա­ցի Կիե­ւի ան­վե­րա­պահ կա­պի­տուլ­յա­ցիա­յից, այլ հրա­դա­դա­րա­յին կամ բա­նակ­ցա­յին տար­բե­րակ ա­ռա­ջար­կե­լը, ինչ­քան էլ որ հի­մա Թ­րամփն ան­նա­խա­դեպ քա­նա­կի զենք-զի­նամ­թերք տա­լուց է խո­սում:

­Մի խոս­քով, որ­քան էլ քիչ հա­վա­նա­կան, բայց բա­նակ­ցա­յին տե­ղա­շար­ժե­րի հա­վա­նա­կա­նութ­յուն այս պա­հին կա: Ա­վե­լին, շատ ազ­դակ­ներ են խո­սում, որ Թ­րամփն ի­րոք կա­րող է Զե­լենս­կուն մեջ­տե­ղից հա­նել, ե­թե այդ հա­վա­նա­կա­նութ­յու­նը հի­մա չօգ­տա­գործ­վի: Կարճ ա­սած, սպա­սենք այ­սօր Ս­տամ­բու­լում կա­յա­նա­լիք բա­նակ­ցութ­յու­ննե­րին:

Տես նաեւ https://iravunk.com/?p=318821&l=am 

Այս թեմայով Ամերիկյան հեռուստաալիքները Թրամփին «զրկեցին» ձայնից (Տեսանյութ) «Ահեղ դատաստանի» ձմեռ է գալիս. Ուկրաինական պաշտոնյա Մերցի կուսակցությունը պարզապես չի գոյատևի մինչև «Ռուսաստանի հետ պատերազմը» Ուկրաինական աղբյուրների տարածել են ռուսական «Գերան-5» հրթիռային անօդաչուի թռիչքի եւ թիրախի խոցման կադրերը (Տեսանյութ) Վիրավոր իմ Հայաստան, դու դեռ ուղղելու ես քո ողնաշարը