Ալիևը խոսել է Իրանի հետ հարաբերությունների մասին, ադրադարձել է միջանցքի կառուցման գործընթացին

Ադրբեջանի նախագահ Իլհամ Ալիևը օկուպացված Շուշիում, որտեղ «գլոբալ մեդիաֆորում» էր անցկացվում, իրանական Mehr գործակալությանը տված հարցազրույցում խոսել է Ադրբեջանի և Իրանի միջև հարաբերությունների «շատ բարձր» մակարդակի մասին։

«Թեհրանի և Բաքվի միջև հարաբերությունները շարունակվում են շատ լավ մակարդակով, Իրանի հետ մեր հարաբերությունները հիանալի են, և այդ հարաբերությունները կշարունակվեն։ Վերջերս մենք Խանքենդի քաղաքում (Ադրբեջանի կողմից օկուպացված հայկական Ստեփանակերտ — խմբ․) ընդունել ենք Իրանի նախագահ Մասուդ Փեզեշքիանին, ինչը դրական իրադարձություն էր»,- հայտարարել է Ալիևը։

Ինչ վերաբերում է Արաքս գետի վրայով «Արաքս» միջանցքի կառուցման գործընթացին, Ադրբեջանի նախագահն ասել է.

«Այս միջանցքի կառուցման գործընթացը լավ է ընթանում, և մեր կողմից այս նախագիծը գրեթե ավարտված է, և մենք սպասում ենք, թե երբ իրանական ընկերությունը կավարտի Իրանի հետ կապված հատվածը։ Մենք ավարտել ենք այս միջանցքի կարևոր հատվածը Աղբանդ-Քալալա-Ջուլֆայում, կարծում եմ՝ այս նախագիծը շահագործման կհանձնվի մինչև այս տարվա վերջ»։

Ըստ Ալիևի՝ «Իրանի տարածքից մինչև Ջուլֆա երթուղին կառուցվում է և շուտով շահագործման կհանձնվի որպես երկաթուղային երթուղի»։

Այս թեմայով Մարդիկ իրենց պատվից ցածր են համարել առաջադրվել եւ ընտրապայքարի մեջ մտնել ՔՊ-ն իր համար զրահաբաճկոն դարձրած Մխոյի հետ․ Ինչ է սպասվում Վայքում Հեռախոսների ներմուծման մասին խնդրահարույց օրենքի նախագիծը հետաձգում ենք. ԲՏԱԱԲ նախարար Երբ կսկսվի Իրանի և Միացյալ Նահանգների միջև պատերազմի նոր փուլը «Իրավունք». Փաշինյանը «հաթաթա» է տվել «Շեֆ ջան, մենք պրոբլեմ չունենք» ասողներին Թրամփի` Ռուսաստանի հետ բարեկամության ծրագիրը. The Atlantic