ԳՅՈՒՄՐԻՈՒՄ ԿԱՅԱՑԱՎ ԼԵԳԵՆԴԱՐ ՄԱՐԶԻՉ ԱՇՈՏ ՄԽԻԹԱՐՅԱՆԻ ԱՆՎԱՆ ՓՈՂՈՑԻ ԵՎ ՀՈՒՇԱՏԱԽՏԱԿԻ ԲԱՑՄԱՆ ԱՐԱՐՈՂՈՒԹՅՈՒՆԸ

Հուլիսի 18-ին, Գյումրիում կայացավ Հայաստանի ծանրամարտի տղամարդկանց հավաքականի 2006-2010 թվականների գլխավոր մարզիչ, ԽՍՀՄ սպորտի վարպետ լեգենդար մարզիչ ԱՇՈՏ ՄԽԻԹԱՐՅԱՆԻ անունով փողոցի անվանակոչությունը։

Iravunk. com -ի մարզական լրագրողը ներկա է գտնվել։ Գյումրիի ավագանու որոշմամբ Կիրովականյան փողոցը այսուհետ կկրի հայտնի գյումրեցու անունը։ Հայրական տան պատին փակցված հուշատախտակն էլ այսուհետ անցորդներին կհուշի, որ այստեղ է ապրել «Հայկական Ծանրամարտի Նորին Գերազանցության մարզիչը»։

Միջոցառմանը ներկա էին Գյումրու քաղաքապետի առաջին և երկրորդ տեղակալները, քաղաքապետարանի աշխատակիցներ, մարզաշխարհի ներկայացուցիչներ, ինչպես նաև մարզչի որդին Ռուբեն Մխիթարյանը, ով շնորհակալական խոսքով հանդես եկավ, ընդգծելով հոր հիշատակը հավերժացնելու կարևորությունը։ Հատուկ շնորհակալական խոսքով հանդես եկավ նաև փոխքաղաքապետ Գագիկ Մանուկյանը, ընդգծելով Աշոտ Մխիթարյանի արժանիքները ոչ միայն որպես մարզիչ, այլև որպես օրինակելի քաղաքացի։

«Ես ունեմ բավականին մեծ ճանապարհ անցած Աշոտ Մխիթարյանի հետ, օրինակելի մարզիչ, ծնող։ Մեր սերունդը սովորել է նրանից շատ լավ բաներ, որ երբեք չենք կարող մոռանալ», իր ելույթում նշեց Աշոտ Մխիթարյանի սանը, ով այժմ մարզիչ է Ալեքսան Կարապետյանն է։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Եվրոպայի առաջնությունում այսօր ռինգ դուրս կգա Հայաստանի երեք ներկայացուցիչ Սիրո անունը Հայաստան է․ Սպարտայի ջերմ գրառումը Արարատ-Արմենիայի հետ խաղից հետո Բռնցքմարտի ԵԱ-ում այսօր Հայաստանն ունի 5 բռնցքամարտիկ ԲՌՆՑՔԱՄԱՐՏԻ ԵԱ. ՀԱՅԱՍՏԱՆՆ ՈՒՆԻ 4 ՆԵՐԿԱՅԱՑՈՒՑԻՉ ՀԱՅ ԲՌՆՑՔԱՄԱՐՏԻԿՆԵՐԸ ՄԵԿՆԵՑԻՆ ԲՈՒԼՂԱՐԻԱ ՄԱՍՆԱԿՑԵԼՈՒ ԵՎՐՈՊԱՅԻ ԱՌԱՋՆՈՒԹՅԱՆԸ։